Tanba ne’e, Ministériu Finansas simu ona pedidu pagamentu suplementu remuneratóriu liña-frente profesionál komunikasaun sosiál ne’ebé submete ona semana kotuk husi Ministériu Asuntus Parlamentár no Komunikasaun Sosiál (MAPKOMS).

“Prosesu verifikasaun ne’e importante tanba atu garantia katak dadus hirak ne’ebé submete mai Sekretariadu Tékniku Fundu Covid-19 prienxe ona rekejitu legál tuir Dekretu Lei númeru 1/2022, 5 Janeiru kona-ba subsídiu ba profesionál ne'ebé hala’o atividade jornalístika, ne’ebé solisita husi Governu, hodi fornese notísias kona-ba vírus SARS-Cov2 durante Estadu Emerjénsia tinan 2021”, dehan

Ministru Finansas (MF), Rui Agusto Gomes, iha pájina Ministériu Finansas ne'ebé www.tempotimor.com asesu iha segunda (28/03).

Dekretu Lei númeru 1/2022, 5 Janeiru ne’e promulga husi Prezidente Repúblika iha 30 Dezembru 2021. Tanba Dekretu Lei ne’e atribui ba profesionál komunikasaun sosiál, subsídiu ho valór $5 kada loron serbisu efetivu bainhira hala’o atividades jornalístika hodi divulga informasaun nesesáriu kona-ba prevensaun no mitigasaun Covid-19 durante Estadu Emerjénsia tinan 2021. 

Pagamentu suplementu remuneratóriu ho valór $5 kada loron serbisu efetivu ne’e, sei realiza através Fundu Covid-19-Fundu Espesiál ne’ebé Governu kria iha tinan 2020 hodi responde ba pandemia Covid-19 ne’ebé jere husi Ministériu Finansas. (*)