"Ba tinan-2022 ita prepara ai-oan rihun 70," dehan Kordenadór reprezentasaun teritórial FPI Baukau, Pascoal Afonso Belo iha kna'ar fatin vila nova, tersa (15/03).
Ai-oan atu fahe ba komunidade sira husi Postu Adminisitrativu Baukau Vila Baguia, Laga, Kelikai, Venilale no Vemase, maibé atu hetan tenke liuhusi pedidu.
Dadaun diresaun FPI) Baukau simu ona pedidu husi Postu Baukau vila, Vemase, Venilale no Kelikai, nune’e distribui ona ai-oan hamutuk rihun 31 ba komunidade kuda iha to'os laran.
"Baguia mak pedidu mai, maibé seidauk mai foti, ne'ebé ami hein nafatin," nia hatete
Benefisiu atu garange ekolozia di'ak no proteze rai monu inklui mós fó okzijeñu di'ak ba ema nia saúde no mós bele neutraliza hikas karbono.
"Komunidade sira iha postu-6 ne'ebé hakarak hatama pedidu mai, fasilita sira bele kuda iha ida-ida nia to'os laran, se xefe suku mak mai fó kedas rihun ida ba fahe, se grupu mak mai, fó tuir grupu ne'ebé iha," nia informa
Ai-oan sira ne’e, kompostu husi ai-mahoni, ai-kakeu, ai-kameli no kulujaka.
Nune’e, husu ba komunidade sira ne'ebé hetan ona ai-oan husi Floresta Planatasaun Indústria Baukau kuidadu atu ba futuru garante plantasaun Timor di'ak liután.
Enkuantu ai-oan ne'ebé parte Floresta Planatasaun Indústria Baukau halo bibeiru liuhusi grupu komunitáriu-4 iha Postu Baukau Vila rihun-20, Kelikai rihun-20, Laga rihun -20 no Venilale rihun-10, nune’e hamutuk rihun-70, dadaun fahe ona rihun-31 restu sei kontinua fahe. (*)