“Sim iha na’i Primeiru Ministru hato'o ona despaixu ba tékniku sira hodi elabora sei haree, no asesór sira sei ko'alia ho Sekretáriu Estadu Kadastru nian, parte jurídiku sei haree ne'e, hanesan na'i Primeiru Ministru tenke fó tuir lei, maibé nai Primeiru Ministru ko'alia pozitivu ona katak ba oin sei haree no sei apoiu”, dehan Prezidente ANAPROFIKO-TL, Ilidio Mau Tersa Mendonca, ba jornalista sira hafoin hasoru malu ho PM Taur iha nia rezidensia Ofisiál Faról, segunda, (14/03).
Nune’e mós iha nasionál fatin ba ANAPROFIKO-TL durante ne'e seidauk iha maibé aluga de'it tanba ne'e mak hasoru Primeiru Ministru hodi hatudu fatin permanente ba ANAPROFIKO-TL sira.
“Ami-nia asosasaun kobre iha Timor laran tomak inklui RAEOA, maibé ami-nia fatin iha nasionál seidauk iha, ami rent ka aluga de'it, oinsá mak mai Primeiru Ministru halo desizaun ho Terras Propriedade hodi haree mós assuntu ida ne'e mak na’i Primeiru Ministru fó biban ba ami durante ne'e”, afirma nia.
Ba fatin temporáriu ANAPROFIKO-TL dadaun ne'e iha área Bebonuk, no iha Bairopite, maske Asosasaun ne'e rasik estabelese iha tinan 2015 to'o agora seidauk iha fatin pernamente.
Serbisu ANAPROFIKO-TL, espesifiku liu mak kona-ba fini iha Timor-Leste ne'ebé kontribui ba Ministériu Agrikultura no Peskas no Parte Ekonomia iha Timor-Leste. (*)