Diretór Servisu Munísipal Planeamentu Integradu Dezenvolvimentu (SMPID), Hermenegildo Rodrigues Fraga informa, projetu 7 ne’e, konstrui hotu husi kompaña lokál.
Nune’e, projetu konstrusaun moru haleu merkadu Tuanau responsavel husi kompaña Gardel unipesoal.Lda ho nia medida 700 x 100 no orsamentu US$316,007.27, dadaun atinje ona pursentu 45.69.
Konstrusaun sede Suku Samalari, Postu Baukau Vila, ne’ebé responsavel husi kompaña Rozi Unip.Lda ho orsamentu US$59,323.84, atinje ona pursentu 27.89.
Ba Sede Suku Samalari, Postu Baguia kosntrui husi kompaña Mexa Unip.Lda ho orsamentu $54,5151.23 no atinje ona pursentu 26.09, Sede Suku Lelalai, Postu Kelikai kosntrui husi kompañia Minsilys Unip.Lda nia orsamentu $60,474.14 no atinje ona pursentu 90.26, Sede Suku Atelari, Postu Laga kosntrui husi kompañia Costa Estalalia Unip.Lda nia orsamentu $62,135.06, ne’ebé atinje ona pursentu 35.82.
Nune'e mos Projetu ba Sede Suku Uaigae, Postu Vemase kosntrui husi kompañia Wrangler Unip.Lda nia orsamentu $54,085.33, atinje ona pursentu 74.34, no Sede Suku Uailaha, Postu Venilale kosntrui husi kompañia Caidaralata Unip.Lda nia orsamentu $54,888.38, dadaun atinje ona pursentu 62.66.
"Husi projetu-7 ne'e, nia akumulativu atinje ona 51,82 pursentu," dehan Hermenegildo iha kna'ar fatin vila nova, kuarta (09/03).
Tuir dezeñu, konstrusaun ba Sede Suku-6 ho nia medida naruk metru-15 no luan metru-8.
"Tuir mata dalan PDIM, tenke fó kompaña lokál, tanba lei liuhusi prosesu aprovizionamentu," nia hatete
Implementasaun ba projetu ne’e, PDIM garante sei iha kualidade di'ak, tanba bainhira kosnstrusaun hahú hetan monitorizasaun husi enjiñeiru.
Projetu-7 ne'e, hahú konstrusaun iha fulan-outubru tinan 2021 no sei finaliza iha fulan-setembru tinan 2022.
Entertantu projetu-7 ne'e, mai husi Orsamentu Jerál Estadu (OJE) tinan 2021, ne’ebé aprova liuhusi Minisitéiru Administrasaun Estátál ba Munísipiu Baukau, ho total hamutuk $661,429.25. (*)