Login to your account

Username *
Password *
Remember Me

Investimentu PDIM Kria Kampu Servisu iha Munisípiu

Xefe departementu PDIM nasionál, António Sousa de Jesus, ko’alia hela iha salaun apuramentu Baukau, segunda (01/08). Xefe departementu PDIM nasionál, António Sousa de Jesus, ko’alia hela iha salaun apuramentu Baukau, segunda (01/08). Foto Tomas Freitas

Tempotimor (Baukau)-Investimentu Programa Dezenvolvimentu Integradu Munisípal (PDIM) kria kampu servisu ba kada Munisípiu.

Xefe departementu PDIM nasionál, António Sousa de Jesus, hatete, kada tinan Ministéru Administrasaun Estatál (MAE) realiza planu investimentu liuhusi PDIM iha kada Munisípiu no atribui kompeténsia servisu ba Autoridade Munisípal sira, bazeia ba dekretu lei nú.36.

Investimentu PDIM iha kada Munisípiu prioridade ba setór saúde, edukasaun, bee moos no estrada rural.

"Investimentu ne'e importante, tanba nia save atu empodera empreza sira depois kria kampu traballu ba Munisípiu sira no halo pilotu, polítika dezentralizasaun poder lokál, entaun polítika ne'e implementa tenke preparadu, koresponde ba nesesidade povu nian," dehan nia iha salaun apuramentu Baukau, segunda (01/08).

Nune'e, iha loron 01 fulan-augusto tinan-2022, MAE liuhusi diresaun servisu DN-PDIM nasionál realiza enkontru ho Autoridade Munisípiu Baukau no Postu sira atu elabora prosesu investimentu hodi kria konsellu koordenasaun Munisípal enkamiña ba Sorumutu Kordenasaun Dezenvolvimentu Nasionál (SKDN) no kontinua ba komisaun aprovizionamentu projetu hodi tetu, hafoin enkamiña hikas ba Munisípiu hodi aprezenta ba konsellu administrativu hodi fó apresiasaun antes sai planu investimentu ba tinan-2024 nian.

"Estatal sempre fó asisténsia tekníku ba iha ambitu planeamentu, tuir dekretu lei atribuisaun mai ona iha Munisípiu, enkontru tenke realiza mós husi Suku, sai ita nia planu investimentu final para aprovasaun husi Ministéru aliña orsamentu jeral 2024 nian," nia hatete

Tanba ne’e, autoridade lokál difini setór prioridade ne'ebé koresponde ba preukupasaun povu nian hanesan bee moos, estrada, eletrisidade, saúde no edukasaun.

Sekretária Autoridade Munisípiu Baukau, Simão Marques Pinheiro, hatutan, komunidade kontinua preukupa ba infraestrutura bázika, tanba kada tinan orsamentu labele kobre ba preukupasaun hotu, maibé Autoridade Munisípal kontinua esforsu kopera ho planu investimentu husi ajénsia sira inklui mós planu investimentu 2024 nian.

"Infraestrutura bázika sira ne'e kuaze importante hotu, liliu mak agrikultura, estrada, eskola saúde, mais depende preparasaun hodi konvense ba konsellu koordenasaun Munisípal sira atu aseita," dehan nia

Entretantu PDIM ba tinan-2021, Autoridade Munisípiu Baukau hetan projetu 7, dadaun progresu di'ak, tanba konstrusaun balun finaliza ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter