Tempotimor (Dili)- Aderito Hugo da Costa husi Bankada Congreso Nacional Reconstrução Timorense (CNRT), husu Primeiru Ministru (PM) Taur Matan Ruak atu rezolve dezentendimentu ne’ebe hamosu husi membru governu AMP na’in rua iha Ministeiru Saude tan ba desizaun PM hodi hamosu pozisaun rotativa ne’e.

Tempotimor (Dili) – Ministra Solidariedade Sosiál no Inkluzaun (MSSI), Kinta (25/07/19) asina tan akordu kooperasaun ho instituisaun solidaridade hamutuk 35 ho montante orsamentu 1.3 milloens dolares Amérika.

Tempotimor (Díli) – Komunidade aldeia tolu (3) Suku Madohi, ne'ebé hela besik Aeroportu Internasionál Nicolau Lobato, lamenta ho hahalok parte Administrasaun Navigasaun Aero Timor-Leste (ANATIL), ne'ebé taka dalan ba área aldeia tolu ne'e, ligasaun ho loron boot Konsulta Populár, Sesta (30/08/19).

Tempotimor (Dili) – Deputadu sira hosi bloku Aliansa Mudansa ba Progressu iha uma fukun Parlamentu Nasionál apresia ho inisiativa di’ak hosi parlamentu federal Ausralia ne’ebé mós ratifika tiha ona tratadu foun tasi Timor nian, maibé bankada opozisaun FRETILIN nafatin kontra hodi lakohi hato’o apresiasaun. 

Tempotimor (Dili)-Asesor na’in hira mak durante ne’e fó apoiu ba Ministériu Saúde atu ministériu ne’e bele hala’o serbisu ho di’ak liu tan? Klaru katak, asesor iha ministériu ne’e la’os na’in tolu (3) de’it, la’os na’in 10, la’os mós na’in 20. Ministériu ne’e iha asesor hamutuk na’in 41.

Tempotimor (Dili) – Maioria emprezariu Timor oan sira konkorda katak seidauk to’o nia tempu atu aumenta (hasa’e) tan salariu ba Traballador Timor oan sira ho rajaun durante tinan hirak ikus nia laran grafika hatudu progresu ekonómia rai laran hetan valor mean barak.

Tempotimor (Díli) – Governu Timor-Leste fó ona konfiansa ba Ministru Obras Públiku atu lidera negosiasaun TL no Indonézia kona-ba oinsá TL bele fa'an ninia eletrisidade ba Timor Osidentál. 
 
"Eletrisidade ne'ebé ita produz iha sentru eletrika Hera ho Betano, barak liu tiha ka superfull. Iha ita-nia estasun rua ne'e produz ona 50 Mw. Agora, ita-nia demanda eletrisidade ne'ebé ita uza 8 Mw. Ho ida ne'e iha 2004 liuhosi  Memorandum of Understanding (MoU) entre EDTL, PLN no Banku Mundiál halo estudu viabilidade ne'ebé Governu Timor-Leste husu atu halo interkonesaun entre TL no Timor Osidentál," dehan Ministru Obras Públiku (MOP), Salvador Pires iha Palásiu Governu, Kuarta (14/08/2019).
 
MOP afirma, bainhira aprezenta estudu refere ba Konsellu Ministru (KM), iha posibilidade sei iha interkonesaun eletrisidade TL-Indonesia.
 
"Estudu ne'e, ohin aprezenta nia rezultadu ne'ebé hatudu katak iha posibilidade duni. Ekonomikamente no tenknikamente iha viabilidade atu halo interligasaun ne'e sei di'ak. Tanba iha Indonesia, sira nian demanda ba eletrisidade sa'e. Signifika sira tenke halo investimentu ho kapitál boot hodi harii fali sentru eletrisidade foun," tenik MOP.
 
Nia dehan, TL iha sentru rua ne'e superfull. Ne'ebé, TL bele fa'an  ba Timor Osidental para lori retornu ekonomika mai TL. Tanba ne'e, KM fó ona kompetensi ba MOP hodi hahú iha negosiasaun ona.

Tempotimor (Atauro) – Sekretáriu Estadu Formasaun Profisionál no Empregu (SEFOPE), Julião da Silva, Sesta (06/12/19) partisipa inagurasaun Sentru Formasaun ba kursu Lian Koreia, Ingles no formasaun seluk iha postu Administrativu Atauro Vila.

by: Isac

Tempotimor (Dili) – Prokuradór Jerál Repúblika, Jose da Costa Ximenes informa, Tribunál Munisípiu Baucau (TMB) iha loron 1 Agostu 2019, fó ona desizaun ba ema na’in rua ho pena suspensaun tinan rua, suspende ba tinan rua ba kazu ró Hong-Long.

 
Tempotimor (Bobonaro) – Komunidade Suku Tapo, Munisípiu Bobonaro, durante tinan 20 nia laran sente duni katak Timor-Leste ne'e ukun rasik an. Ho ida ne'e, sira pronto atu selebra komemora tinan 20 loron Konsulta Populár (referendu) , 30 Agusto tuir mai. 
 
Xefe Suku Tapo, Xavier Cardoso Bareto hatete, Suku Tapo rasik lokaliza iha Postu Administrativu Bobonaro. Iha suku ne'e rasik, hamutuk uma kain 245.
 
"Komunidade iha Suku Tapo ne'e, iha aldeia rua mak Aldeia Woebo no Aldeia Tapotas. Husi aldeia rua ne'e hamutuk uma kain 245. Totál populasaun hamutuk 798 abitantes," dehan Cardoso Bareto iha Suku Tapo, Sabadu (17/08/19).
 
Cardoso akresenta, komunidade iha suku ne'e rasik sente duni ukan rasik an Timor-Leste nian. Nune'e, komunidade sira prontu atu komemora loron Konsulta Popular ba dala ruanolu.
 
"Komunidade sira sei partisipa maximu iha loron Konsulta Populár refere. Tanba, tuir ha'u nia observasaun ba komunidade sira iha Suku Tapo, sira sente liberdade tanba sira nunka halerik ba bee-moos, Estrada no eletrisidade," dehan Cardoso.
 
Suku Tapo, lokaliza iha Postu Administrativu Bobonaro. Suku refere nia luan 7 kilometru kuadru ne'ebé baliza iha parte Leste ho suku Oe Leo no suku Leber, parte Norte ho Aldeia Pipgala, Postu Maliana no parte Sul ho suku Aiasa.
Page 1 of 22

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com