Iha deklarasaun konjutu husi Primeiru-Ministru (PM), Taur Matan Ruak ho Primeiru Ministru (PM) Austrália, Scott Morrison ne’ebé fó sai iha loron kinta (17/02) katak, deside ona atu servisu hamutuk hodi impede Tasi Timor nian ne’ebé uza ilegál husi peskadór ilegál sira, ema kontrabandista sira no ema kriminozu transnasionál sira.

“Sira kompromete ona atu kontinua hakle’an kooperasaun iha matéria seguransa tasi nian, no Primeiru-Ministru Morrison konfirma ona nia kompromisu husi Austrália oinsá atu fornese ro rua patrulla nian klase Guardian, Aitana no Liline, ba Timor-Leste, iha tinan 2023”, dehan iha deklarasaun konjuntu ne’ebé www.tempotimor.com asesu iha segunda (21/02).

Tanba Austrália hahi’i servisu ne’ebé la’o hela hodi prepara ba entrega embarkasaun rua, inklui modernizasaun ba infraestrutura sira iha Baze Naval Portu Hera, iha Kosta Norte Timor-Leste nian.

Iha diskusaun ne’e, Primeiru-Ministru sira ko’alia envolvimentu boot Timor-Leste nian ho organizasaun multilaterál sira, inklui sira-nia proposta sira adezaun nian ba ASEAN no ba Organizasaun Mundiál Komérsiu nian, no forte no ne’ebé metin husi apoiu Austrália nian. (*)