“Atu hatete de'it ba ita-boot sira katak, Governu liuhusi MAPKomS iha prontidaun fó apoiu ba asosiasaun sira, liuliu asosiasaun jornalizmu sira, naran katak jere osan Estadu nia ho di'ak presta konta relatóriu ba Estadu, atubele garante katak buat hotu la'o ho di'ak ba oin”, dehan Ministru Francisco, bainhira Ensera Konferénsia Nasionál TLPU iha Salaun Delta Nova, sábadu (19/02).
Tanba Konferénsia husi Timor Leste Press Union (TLPU) halo ho nia tema haburas TLPU, promove kualidade Jornalizmu ne'e importante tebetebes.
“Tema ne'e importante tebetebes, no hanusa mak TLPU ne'e bele buras di'ak liután karik iha tempu liu ba buat lubuk ne'ebé mak seidauk di'ak, hanoin iha tempu ida ne'e ita fó oportunidade ba Prezidente foun ho nia estrutura tomak atubele haburas liután halo di'ak liután, saida mak iha tempu kotuk seidauk halo, ita ko'alia kona-ba kualidade jornalizmu ha'u hanoin ita la sees husi 5w + 1h, ida ne'e mak sai save ba jornalista sira atubele halo nusa mak bele halo notísia ho kualidade e bele mós hetan apresiasun ne'ebé di'ak mai husi parte hothotu”, afirma nia.
Tanba ne’e, hakarak fó parabéns ba estrutura tomak ne'ebé mak iha tempu liuba fó posse ona, no dadaun ne’e estrutura sira kompletu ona espera bele halo servisu di'ak liután.
“Ha'u hein katak ho ita-boot sira-nia tema ne'ebé mak promove kualidade jornalizmu ne'e, ha'u hein rezultadu ida ne'e husi prezidente ne'ebé mak agora ho nia estrutura tomak lidera ne'e, bele halo formasaun no espera bele halo servisu di'ak liután hodi sai di'ak liu”, hatete nia. (*)