“Motisaun mai husi kolega sira mak inspira no antes ne'e ha’u mós konsulta ona ho Prezidente Sesante Dr. Antero Bendito da Silva mak sai orientadór ba livru ne'e rasik. Tanba ita la hakerek livru ida, ita sei hela de’it memória konta istória ibun ho ibun no bainhira ita la haree ba passadu malisan sei kona ita”, dehan Eskritór Livru, Americo Araujo de Jesus ‘Amorcaft, iha salaun CNE, Kolmera, segunda (19/02).

Intensaun husi livru ne’e, atu rememória fali pasadu hodi hateke fali ba futuru. Tanba ema ida-idak iha ninia istória rasik barak ka oituan hothotu halo.

Hanesan ezemplu ida ba maluk patriota sira seluk motiva-an hodi hakerek livru no lalika haree ba nível edukasaun maibé Timoroan mai ho istória, patriota tenke hakerek rai hela ba futuru.

Konteudu husi livre ne'e hakerek kona-ba partisipasaun joventude nian ne'ebé mak konsentra hamutuk iha fatin ida naran Universitas Timor-Timur (UNTIM).

Antes ne'e joventude sira organiza malu ho segredu no delensivu tebes. Dewan solidaritas hamosu tanba hahú nakloke ona ba públiku ho nune'e istória ne'ebé hakerek kona-ba akontesementu sira iha UNTIM.

“Rekomendasaun ba maluk ne'ebé hasai ona doutoramentu bele hakerek netik livru ruma se ita la hakerek oinsá ita-nia jerasaun sira bele hatene istória. Ba Governu tenke investe ba rekursu umanu hodi hakerek istória tanba dadaun ne'e mosu problema barak ema barak lahatene istória”, dehan nia.

Ho livru dahuluk ne’ebé halo ona lansamentu iha mós livru daruak sei haree liu ba “Diálogu no Referendu” sei prepara hela. (*).