Prezidente Dewan Solidaritas Mahasiswa Pemuda Pelajar Timor Timur (DSMPPTT), José da C. Magno hatete, kongresu nasionál ne'e, loron importante tebes ba dewan solidaritas atu hili prezidente foun ba tinan 2022 to'o 2026, hamutuk ho povu hodi hetan povu nia mehi ba moris di'ak ho dignu.

“Kongresu nasionál dahaat ne'e, objetivu prinsipál rua, hanesan atu redefine estatutu dewan solidaritas nian vizaun no misaun, segundu reestrutura ba prezidente tuan hodi hili fali prezidente foun atu lidera ka organiza dewan solidaritas mahasiswa pemuda pelajar Timor Iimur (DSMPPTT)”, dehan José da C. Magno iha salaun CNE, Kolmera, segunda (19/02).

Tanba ne’e, nia objetivu husi kongresu ne'e atu fihír fali figura foun hodi troka estrutura tuan ativamente hodi kontribui ba servisu dewan solidaritas, maibé la'ós de'it ba dewan, maibé sei apoiu servisu povu nian no estudu Timor-Leste.

“Permite ha'u atu hatete katak, ohin la'ós jeralmente hasoru maluk ho kolega antigu sira, ne'ebé mak luta naruk, ita atu hatete ba públiku katak dewan adopta sistema demokrasia, dehan hatene oinsá atu jere organizasaun ida ne'e ba oin”, dehan nia.

Iha ne'e, kongresu oinsá haree kultura dewan solidaritas ba dezenvolve demokrasia atu promove liberdade povu. Tanba dewan mós kontribui ba luta libertasaun povu, pátria saudozu sira liberta ona, povu presiza ejize sidadaun hotu nia kontribuisaun.

Prezidente Komisaun Nasionál kongresu, Zelia Fernandes hatete, Dewan Solidaritas Mahasiawa Pemuda Pelajar Timor Timur (DSMPPTT), nu'udar organizasaun estudantíl ba autór palku demokrasia hodi promove paz, dame, diálogu no rekonsilasaun.

“Dewan Solidaritas Mahasiswa Pemuda Pelajar Timor Timur (DSMPPTT) ho nia filizofia solidariedade iha tempu rezisténsia sai ona memoria istórika povu Timor-Leste, kontente tebes DSMPPTT, ohin hetan ona rekunesimentu nu'udar rezisténsia ida”, dehan nia.

Iha kongresu ne'e hetan partisipasaun husi Estudante Universitáriu sira hanesan Universidade Nasionál Timor Lorosa'e (UNTL), Universidade da Paz (UNPAZ), nomós membru Konsellu Solidariedade Universitariu Juventude Estudante Timor Lorosa'e (KSUJETL), husi Munisípiu 12 inklui Rejiaun Administrativu Espesial Oekussi Ambenu (RAEOA) sira marka prezensa hotu iha kongresu ne’e. (*)