“Sim hafoin de ita simu mandatu iha dia 13 novembru 2021 liuhusi kongressu extraordináriu ne'ebé mak ita prosede iha salaun Delta Nova ida ne'e, e ita fó sai rezolusaun ida atu fó mandatu no kompeténsia ba estrutura foun atu hala'o ninian kna’ar ka funsaun iha tempu 100 dias. Programa prioridade 100 dias ne'e mak oinsá atu halo ita-nia preparativu hodi halo revizaun ba estatutu organizasaun TLPU nian”, dehan Sekretáriu Jerál TLPU, Zezito da Silva ‘Zemakar Latu Titilar’ ba www.tempotimor.com iha Delta Nova, sábadu (19/02).
Durante loron atus-ida nia laran, iha programa prioritáriu balun ne'ebé intergra iha kalendáriu maibé kestaun tempu, la konsege realiza hanesn formasaun kona-ba jestaun organizasaun no oinsá atu trasa planu estratéjiku ba madatu TLPU nian.
Maibé ida ne'e sei bele halo rezolusaun ida iha konferensia, nune'e estrutura bele halo tan, programa estratejiku ida oinsá atu gia sai matan dalan ba estrutura atu realiza programa prioritáriu durante mandatu.
Dadauk, programa lubuk ida mak durante ne'e estrutura sira halo, atende konvite parseiru, siknifika parseiru sira ne'ebé mak konvida organizasun TLPU durante períodu loron 100, maibé ne'e estrutura ba partisipa, ativu sira-nia prezensa nu’udar estrutura foun TLPU. (*)