"Hanesan iha 2019 ita simu proposta komunidade purvolta de 220 depois komisaun ne'e halo avaliasaun de dokumentu hodi verifika ikus mai dokumentu ne'ebé passa, subsídiu husi hamutuk uma lulik 88 ida ne'e mak iha fasilita ba sira ne'e iha territóriu Timór laran tomak, ba Orsamentu 2022, ita propoin 200 mill atu apoiu ba komunidade sira halo uma lulik, ka Governu apoiu orsamentu 15 pursentu para sira halo sira-nia uma lulik”, dehan Teófilo ba jornalista sira iha Salaun Laline Larigutu, Kolmera, seata (28/01).
Ba programa Governu, Presiza liuhusi Ministériu Ensinu Superior Siénsia no Kultura, liuhusi Sekretáriu Estadu Arte no Kultura ita prezerva, ba patrimóniu e kulturál entaun polítika ida ne'e atu implementa atu apoiu komunidade sira, reabilitasaun konstrusaun no inaugurasaun, ba uma lulik iha territóriu Timor-Leste tomak, uma lulik 88 ne'e kompostu husi faze tolu mak balun halo konstrusaun, rjabilitasaun, balun halo inaugurasaun.
Tanba iha tinan 2019 Ekipa SEAK halo verifikasaun ba dadus komunidade nian ne'ebé hatama ba SEAK atu apoiu komunidade sira-nia uma lulik, tanba hakarak valoriza identidade Timór nian liuhusi uma lulik sira.
"Primeiru mak ita hakarak valoriza ita-nia identidade, nasionál Timor nian ne'e ita-boot sira hatene katak, patrimóniu kulturál nian ne'e mak liliu uma lulik" afirma nia.
Tanba uma lulik mós sentru kulturál ne'ebé halibur, jerasaun ba jerasaun hodi kontribui ba estabilidade nasionál, ba família nian, no unidade família nian
Haree ba Uma lulik mós hanesan muzeum tradisionál oinsá mak konserva, eransa kulturál mak beiala sira husik hela ba jerasaun sira.
"Tanba kulturál ne'e mak kesi metin ita ema umanu, no itaania beiala sira, agora, tuir fali uma lulik ne'e mak ita dezenvolve hanesan fatin turizmu kulturál atu atrai turista sira ba vizita, kuandu sira ba vizita sira fó rendimentu ba uma lisan ne'e tanba sira no sosa sira nia produtu lokál”, nia afirma.
Alende ne'e iha okupasaun Indonézia uma lulik mós sai sofre konsekuésia husi funu, no iha tempu uluk uma lulik mak fó forsa ba luta na'in sira hodi kontribui ba Timór nia ukun rasik-an. (*)
