Login to your account

Username *
Password *
Remember Me

Ékipa SLXG Apresia Manan Na’in Hakerek Istória ba 2021-2022

Manan na’in sira foto hamutuk ho ékipa SLXG hafoin simu sertifikadu, kinta (27/01). Manan na’in sira foto hamutuk ho ékipa SLXG hafoin simu sertifikadu, kinta (27/01). Foto Suplay

Tempotimor (Dili)-Ékipa Sala Leitura Xanana Gusmão (SLXG) atribui ona premiu no sertifikadu apresiasaun ba manan na’in ne’ebé hakerek istória iha tinan 2021 to’o 2022.

Ofisial Projetu Jerónimo Fernandes “BerleQui” haktuir, iha tinan 2021 Sala Leitura Xanana Gusmão (SLXG) hetan fundus husi Governu Vitctoria Australia hodi organiza konkursu hakerek istória ba labarik pre eskolár sira iha lian Makasae no Baikenu.

Nune’e, komisaun organizadora (KO) hahú halo anúnsiu públiku iha loron 23 Fulan-Agostu to’o loron 31 Fulan-Dezembru tinan 2021.

Iha faze ida ne’e, estudante, juventude no komunidade husi lian makasae no baikenu ne’ebé gosta hakerek konsege kolekta sira nian istória popular sira no submete ba komisaun organizadora iha Sala Leitura Xanana Gusmão (SLXG).

“Hafoin faze kolekta istória ita termina tiha iha dia 31 Dezembru tinan kotuk, ita konsege rekolla istória sira hamutuk 25, kompostu husi istória Makasae 18 no Baikenu 7. Istória sira ne’e ita rekolla husi komunidade lian makasae no baikenu liu-liu estudante no juventude sira ne’ebé iha Munispiu no mós sira ne’ebé hela iha Dili,” dehan “BerleQui”, kinta (27/01).

Hafoin rekolla tiha istória, komisaun organizadora halo selesaun hodi hili istória sira ne’ebé konsidera diak liu atu kontinua ba faze produsaun livru.

“Entaun iha faze selesaun ne’e, ita hili istória hamutuk sanolu resin rua (12) mak konsidera diak liu, kompostu husi istória makasae 6 (Fiksaun 3 & Aiknanoik 3) no mós istória baikenu neen 6 (Fiksaun : 3 & Aikanoik 3)”, nia afirma

Tanba ne’e, ohin loron 27 Fula-Janeiru tinan 2022, Komisaun Organizadora atribui prémiu no sertifikadu apresiasaun ba autór istória sira nu’udar rekoñesementu ida ba sira nia esforsu no vontade kolabora iha prosesu inisiu  kolekta no hakerek istória to’o iha faze selesaun.

“Faze selesaun hotu ona, entaun ohin ita atribui prémiu no sertifikadu apresiasaun ba ita nia autór istória sira hanesan rekoñesementu ida husi Sala Leitura ba sira nian esforsu no badinas durante kolekta no hakerek istória hahú husi insiu to’o iha faze selesaun final. Alende ne’e ita asina akordu kontribuisaun ida ho ita nia autór istória sira ho objetivu atu nafatin kolabora hamutuk hodi hatan ba nesesidade servisu balun iha faze tuir mai mak hanesan produsaun livru, gravasaun audio, video animasaun no ikus liu faze lansamentu livru ne’ebé ita sei halo iha tempu badak”. Nia

Manan na’in dahuluk ba istória aiknanoik iha lian makasae, Zacarias Augustu Freitas, sente kontente no orgullu ba insiativa Sala Leitura Xanana Gusmão (SLXG) ne’ebé organiza konkursu hodi fó oportunidade ba estudante no juventude sira husi lian makasae no baikenu.

“Hau sente kontente no orgullu tebes ho konkursu ida ne’e tamba bele fó oportunidade ba ami hodi kolekta no hakerek istória sira tantu istória fiksaun no aiknanoik iha ami nian lian rasik no ida ne’e hau sente buat ida ke importante tebes, tanba liu husi oportunidade sira hanesan ita bele prezerva no promove ita nian lian lokál sira. Alede ne’e, liu husi konkursu ida ne’e mós ami konsege aprende buat foun barak iha prosesu hotu-hotu, liu-liu oinsa halo peskiza, rekolla informasaun no aprende kona-ba metodu hakerek kreativu sira,” Zacarias espresa

Nune’e, rekomenda ba Sala Leitura nomos Governu Victoria Australia kontinua servisu hamutuk atu organiza konkursu hakerek ne’e, kada tinan ho lian lokál oin-oin iha Timor-Leste atu bele prezerva no promove lian ho istória lokál sira atu labele lakon iha jerasaun sira tuir mai.

Total kompetitor ba konkursu hakerek istória iha lian lokál Makasae no Baikenu ba tinan 2021-2022 hamutuk 25 no husi konkursu ne’e, Zacarias Augostu Freitas hetan 10 lugar, Basílio M. da Costa 20 lugar no Atanasio Correia hetan 30 lugar iha istória aiknanoik lian makasae.

Tuir mai, Sonia Soares hetan 10 lugar, Nelvia Agostinha 20 lugar no Bernardo da S. de Andrade hetan 30 lugar iha istória fiksaun lian makasae. Ba istória aiknanoik lian baikenu Paulino Cono Falo hetan 10 lugar, Selviana da Costa Elu 20 lugar no Orlando R. de. F. Neno hetan 30 lugar.

Enkuantu ba istória fiksaun lian baikenu Serafina T. Besa hetan 10 lugar, Gregorio Cono Falo 20 lugar no Alarico Tout hetan 30 lugar. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter