Login to your account

Username *
Password *
Remember Me

GPE Apoiu Fundus ba Eskola Hamutuk 42 iha Baukau

Vise-MEJD António Guterres entrega hela fundus ki'ik ba benefisiáriu iha salaun enkontru  Edukasaun Baukau, tersa (21/12). Vise-MEJD António Guterres entrega hela fundus ki'ik ba benefisiáriu iha salaun enkontru Edukasaun Baukau, tersa (21/12). Foto Tomas Freitas

Tempotimor (Baukau)‐Global Patnership Education (GPE) liuhusi Ministéiru Edukasaun Juventude no Despostu (MEJD) apoiu fundus ki'ik ba eskola hamutuk 42 iha Munisípiu Baukau.

Fundus ki’ik ne’e, nia implementasaun ba de’it insatalasaun bee moos ba kada eskola ne’ebé besik bee matan, labele liu husi km-1, maibé depende fali mós ba montante osan ne'ebé mak diritivu eskola sira simu husi GPE, tanba eskola hotu ne'ebé mak sai benefisiariu hetan osan ho montante menus husi rihun.

Vise-MEJD António Guterres hatete, antes ne'e fó sai ona informasaun atu asesu fundus ki'ik, tanba ne'e eskola sira prepara proposta, dezeñu submete ba nasionál hafoin ékipa verifikadór sira tun hodi halo survey no halo aprovasaun.

"Ohin ita iha eskola 42 benefisiáriu ba fundus bee moos nian, apoiu ida ne'e mai husi parseiru GPE ba bee moos de'it", dehan António, tersa (21/12).

Faze dahuluk projetu iha Munisípiu Baukau hamutuk 16, maibé ho implementasaun fundus ki'ik la’o di'ak, nune'e GPE liuhusi MEJD apoiu tán eskola ensiñu báziku sentral no filial hamutuk 42.

Tanba ne'e, husu ba parte eskola sira hotu servisu unidade ho komunidade sira atu bee moos bele to'o iha fatin eskola.

"Apela ba benefisiariu sira uza fundus ne'e ho di'ak para iha efisensia no efikasia, uza didi'ak osan ne'e tuir nia tempu", nia akresenta

Nune'e, Diretór Servisu Edukasaun Munisípiu Baukau, Augusto Ornai Ximenes hatete, apoiu iha tinan 2021 no simu tán ona projetu hamutuk 42, tanba ne'e, kontinua enkoraja diretivas eskola ensiñu báziku sira atu halo proposta liuhusi servisu edukasaun Munisípiu submete ba nasionál.

"Eskola sira ne'e, mai husi postu administrativu-5 nia fokus de'it ba iha pre-eskolar ho ensiñu báziku, maioria Baukau vila 11, Baguia 11, kelikai 5 inklui venilale no restu tan, barak liu ba Baukau vila no Baguai", dehan Augusto

Eskola ne'ebé sai benefisiáriu mak EBF Uaitame Kelikai, EBC Tirilolo, EBF Rufaguia Baguia, EBF Afalari, EBF Aelita Baguia, EBF Betumuto Uacala, EBF 1.2 Lebenei, EBC 1.2.3 Buaua Lavateri Baguia, EBF Haudere, EFB Larisula, EBC 1.2.3 Ossohuna Baguia, EBF Katolika Defauasi, EBC 1.2.3 João de Brito Lavateri, EBF Badomori, EFB Uailaco, EBF Koni Matebian.

Nia hatutan, EFB Uaikulu, EBF São João Bosco Samalari, EBF Kairavela, EBF Ossoala, EBF Tasi Vemase Vila, EBF Katolika Atelari, EBF Katolika Auraba, EBF Samaguia, EBC Soba Laga, EBF Lekiraka Bu'u, EBF Latua, EBF 20 de Augusto Ossoluga, EBF Vila Nova, EBC Vila Nova, EPE/EBF Komadante Maubuti, EBC Aubaka, EBC Bukoli, EBF Buruma, EBF Lutumuto, EBF Katolika Santo António Uatu-ua, EFB, EBC Gariuai, EBF Selegua Sagadate, EPE Lui-lubu, EBC Binagari, EBF Katolika Saelari inklui EBF Katólika Laisorulai.

Enkuantu projetu dada bee moos ba eskola nia durasaun durante fulan-3 ho nia orsamentu rihun US$34,320 ne’ebé fornese husi GPE. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter