Login to your account

Username *
Password *
Remember Me

EUA Entrega Ona Sala Foun-4 ba Eskola Nu.02 Vila Nova

Enkaregadu Negósiu Embaixada EUA, Thomas Daley hamutuk ho Vice-MEJD, António Guterres ofisialmente tesi hela simbolu inagurasaun sala aula foun haat iha Eskola Sekundária Públiku Nu.02 Vila Nova Baukau, tersa (21/12). Enkaregadu Negósiu Embaixada EUA, Thomas Daley hamutuk ho Vice-MEJD, António Guterres ofisialmente tesi hela simbolu inagurasaun sala aula foun haat iha Eskola Sekundária Públiku Nu.02 Vila Nova Baukau, tersa (21/12). Foto Tomas Freitas

Tempotimor (Baukau)-Enkaregadu Negósiu Embaixada Estadus Unidus Amérika (EUA), Thomas Daley hamutuk ho Vice-Ministru Edukasaun Juventude no Desportu (MEJD), António Guterres ofisialmente entrega ona sala foun 4 ba Eskola Sekundária Públiku (ESP) Nu.02 Vila Nova Baukau.

Enkaregadu Negósiu Embaixada EUA, Tom Daley hatete, sala 4 ne’e, Forsa Navál Seabees EUA konstriu ho montante orsamentu rihun US$300 ne’ebé sei akumula estudante hamutuk na’in-120.

 “Laiha indikasaun ne’ebé di’ak liu kona-ba ami-nia kompromisu amizade rohan laek no ba futuru Timor-Leste nian duké inagurasaun eskola ida-ne’e, Estadus Unidus nia Forsa Navál Seabees dedika sira-nia fuan no klamar tomak iha projetu ne'e durante oras barak nia laran no uza padraun seguru ne’ebé di’ak no exelente hodi hari’i futuru ida ne’ebé di’ak liután ba futura jerasaun lideransa Timor-oan sira, ha’u hakarak agradese ami-nia omólogu Timor-oan no Australianu sira ne’ebé fó ona mós sira-nia kontributu importante ba esforsu ida-ne’e”, dehan nia, tersa (21/12).

Sala 4 ne’e, Forsa Navál EUA apoiu mós husi Timoroan na'in-6 no parseiru Australianu na'in-5, konstrui durante fulan-5 nia laran.

EUA nia Forsa Navál Seabees harii no rehabilita ona klínika no eskola 100 resin iha Timor-Leste hodi ajuda garante futuru ida di’ak liu ba Timoroan sira no Seabees kompleta tiha ona projetu sira ne’ebé ho valór liu millaun US$50 durante tinan 10 ikus ne’e.

Enkuantu Forsa Navál EUA eziste iha Timor-Leste dezde tinan-2009, halo mós rotasaun ba grupu enjeñeiru militár Amerikanu sira iha kada fulan-6 no tuir planu iha tempu badak nia laran sei hahú konstrusaun tan sala aula rua ho haris fatin iha Maubara ho valór osan besik rihun $288.

Nune'e, Vice-Ministru Edukasaun Juventude no Despostu, António Guterres hatete, EUA nia apoiu ba Timor-Leste liliu mak iha área setór edukasaun, hafoin ba setór seluk, tanba ne'e lori Govérnu Timor-Leste nia naran hato'o obrigado ba Povu Amerikanu hotu.

"Ha'u sente hanesan ondra ida ne'ebé Ministéiru Edukasaun Juventude no Despostu hamutuk ho ita bo'ot sira sente haksolok ba ita nia koperasaun ho ita nia Govérnu Amérika nia liuhusi ita nia forsa navál ne'ebé kompromete katak, iha Baukau sei harii eskola 10, agora 3 mak remata ona ita hein koperasaun hanesan ne'e kontinua nafatin", nia hatete

Tanba ne’e, husu atu kuidadu fasilidade ne'ebé mak EUA liuhusi MEDJ entrega ona ba manorin na'in sira iha Eskola Sekundária Públiku Nu.02 Vila Nova Baukau.

Vice-MEJD mós afirma, tinan 2022 Eskola Sekundária Públiku Nu.02 Vila Nova Baukau mós iha tan konstrusaun sala-6 husi projetu Programa Konstrusaun no Rehabilitasaun Infrastrutura Edukativa (PKRIE).

"Iha eskola ne'e númeru alunus bo'ot oituan, entaun ita presiza tebes", nia akresenta. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter