Login to your account

Username *
Password *
Remember Me

Loron Memória 7 Dezembru, Lú Olo Husu Patriota Kontinua Obra Luta

Militar Indonézia halo invazaun iha loron 7 Dezembru 1975, mai Timor-Leste liuhusi husi tasi. Militar Indonézia halo invazaun iha loron 7 Dezembru 1975, mai Timor-Leste liuhusi husi tasi. Foto Espesial

Tempotimor (Dili)-Prezidente Repúblika (PR), Francisco Guterres 'Lú Olo', husu ba kompatriota hothotu atu aproveita selebrasaun loron memória invazaun 7 Dezembru ba dala-46 (7/12/1975-7/12/2021) hodi kontinua obra luta ne’ebé inísia tiha ona.

“Ha’u apela ba kompatriota hothotu atu aproveita loron memória, ho dalan, individualmente ka iha koletivu, reflete dalan naruk terus nian ne’ebé ita liutiha ona. Nia bele inspira ita no fó forsa atu kontinua obra ne’ebé inísia tiha ona", dehan Lú Olo ha nia mensajen ba komemora Loron Memória, iha Palasíu Prezidensiál Bairopite, tersa (07/12).

Tanba Lorln 7 Dezembru marka inísiu husi Povu nia luta naruk nakonu ho aten-brani ba ninia independénsia no liberdade ne’ebé manán invazór Indonézia hafoin tinan-24 nia laran.

“Ita hotu preokupadu atu hari’i futuru. Atu halo ne’e nesesáriu tebes valoriza pasadu. Ita-nia dever atu hatene sakrifísiu ne’ebé hatudu husi kompatriotas mate iha funu laran, no nu’udar forma ida agradese, forma ida rekoñese saida mak sira halo tiha ona ba rai ne’e. Laho sira-nia mártiriu no sakrifísiu ita la hetan pátria ida livre no independente", afirma Lú Olo.

Ho ida ne’e, husu ba família, Eskola, Partidu Polítiku, Organizasaun Sosiedade Sivíl no Sidadaun hothotu halo esforsu atu koñese istória Timor-Leste, valoriza pasadu, foti lisaun atubele garante jerasaun tuirmai hodi hetan futuru ida di’ak liu no pás.

Tanba ne’e importante tebes ba sidadaun hotu atu hanoin hikas faktu iha pasadu no reflete kona-ba saida mak halo, ohin no aban, atu kontinua obra husi  mártires sira.

Relijiaun Kristáaun kontribui fortemente ba Timor-Leste nia identidade. Liafuan kalváriu sai familiar ho ninia siknifikadu terus.

"Iha 7 dezembru 1975, militár Indonézia lansa invazaun ho eskala boot ba ita-nia país. Marka mós inísiu ita-nia Povu nia mártiriu naruk, kalváriu nasionál", hatete nia.

Kompatriota barak mate iha loron trájiku ne’e, inklui kompatriota ho orijen Xinés, Borja da Costa, Rosa Muki Bonaparte no jornalista Australianu, Roger East.

Konstituisaun Repúblika Demokrátika Timor-Leste rekoñese no valoriza rezisténsia sekular Povu Maubere kontra dominasaun estranjeira no sira hotu nia kontribuisaun ba luta independénsia nasionál.

Parlamentu Nasionál, liuhusi Lei númeru 3/2016, 25 maiu, eleva loron 7 dezembru nu’udar Loron Memória Timor-Leste nian. (*)

Rate this item
(0 votes)
Last modified on Tuesday, 07 December 2021 17:51
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter