Login to your account

Username *
Password *
Remember Me

Taur: Timor-Leste nia Ukun-an Folin Boot

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Baukau)-Primeiru Ministru (PM), Taur Matan Ruak hatete, Timor-Leste nia ukun-an folin boot tebes, tanba timoroan rihun ba rihun mak lakon vida inklui mós komadante sira seluk iha funu laran.

"Ba ita-nia ukun an, nia folin boot, timoroan rihun ba rihun mak mate, inklui ita-nia maun boot Daitula, maibé sira-nia mate lasaugate, sira fó hela nasaun rai ida ba ita”, dehan nia iha Buasare, Baukau, sábadu (27/11).

Bainhira sidadaun hotu hametin páz no estabilídade hodi kontribui ba paz no dezenvolvimentu nasionál siknifika bele fó onra ba sira ne'ebé mak mate no lakon iha funu naruk nia laran.

Tanba iha liafuan ida dehan mate ka moris dalan mak nafatin ida de'it, maibé enkuantu sei moris fó kontribuisaun hodi banati tuir buat ne'ebé mak erói sira hala'o ona, hodi fó kontribuisaun ba dezenvolvimentu nasionál ne'ebé mak lori mate, terus no sakrifisiu mak hetan.

"Buat sira ita lori osan hodi sosa ita tau matan tanba dala barak ita dehan ne'e karun, tanba ne'e haree tau matan didi’ak”, afirma PM Taur.

Maibé ko'alia kona-ba nasaun nia folin karun liu folin sasán sira, tanba la'ós lori osan mak hodi sosa ukun rasik-an, maibé lori ema mak hodi sosa.

Nune'e mós nasaun nia folin todan liu, murak liu, nomós nia folin di'ak liuba ema hotu, tanba ne'e ema hotu tenke tau matan no kuidadu nasaun atu nune'e jerasaun ba jerasaun banati tuir hahalok ne'e. (*)

Rate this item
(1 Vote)
Last modified on Saturday, 27 November 2021 21:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter