Login to your account

Username *
Password *
Remember Me

Prezidente Repúblika Partisipa Selebrasaun Missa Agradesimentu ba Martíres Sira iha Baukau 

Selebrasaun Misa agradesementu ba as’uain martirés sira iha igreja Santo António Parokia Baukau.  Selebrasaun Misa agradesementu ba as’uain martirés sira iha igreja Santo António Parokia Baukau.  Foto Tempo Timor

Tempotimor (Baukau)-Prezidente Repúblika (PR), Francisco Guterres 'Lú Olo' hamutuk ho membru Governu, Membru Parlamentu Nasionál no Tribunál Rekursu sira selebra missa agradesimenetu ba as’uain martíres iha igreja parokia Santo Antonio katedral Baukau.

"Liuhusi missa selebrasaun grasa ne'ebé ita hasa'e ba na’i maromak, ita hananu hamutuk, husu ba aman maromak atu haraik nafatin perdaun ba ita-nia as’uain martíres sira hotu nia sala, ita harohan no embora nafatin ba aman maromak atu hara'ik ba sira fatin di'ak iha rai no lalehan", dehan Prezidente Komisaun Organizadora 28 Novembru 2021, Miguel Pereira de Carvalho, iha igreja Katedral Baukau, sábadu (27/11).

Mesmu as’uain sira mate ona, maibé sira sei kontinua tau matan husu tulun nafatin mai rai doben Timor-Leste, dezenvolve la'o ba oin ho futuru ida ne'ebé nakonu ho prosperiedade, integridade ho unidade hanesan tema ba selebrasaun "A união luta konjunta, para vitoria Timor-Leste".

Liuhusi Omilia Administrador Diosezanu Dioseze Baukau, Padre Alipio Gusmão hatete, ohin halibur hamutuk  hodi hato'o agradese ba Maromak, tanba ho laran luak no hatudu oin mamar mak ikus Timor-Leste hakat ain husi nakukun, tempu difísil hodi hakaat ba independénsia ba dala 46 ona.

"Ohin ita komemora 46 anos proklamasaun Indepedénsia ho ida ne'e, maluk sira no veteranu sira koko fó esperiénsia, iha momentu sira difísil, dala ruma ita sente hanesan Maromak ne'e oin buis ba ita, fila kotuk ba ita, la hatudu oin mamar ba ita, ne'e iha tempu ida difísil, Prezidente Repúblika hatene, buat sira ne'e dala ruma ita sente aujensia Maromak nian, maibé saida mak akontese Maromak prezente nafatin no ikus ita sente maromak hatudu oin mamar ba ita, tanba ho bensaun mak ohin hetan razaun selebrasaun Indepedénsia", hatutan Padre Alipio.

Hafoin remata husi selebrasaun misa, Prezidente Repúblika ho Membru Governu sira hakaat ba tau ai-funan iha martirés sira iha jarding Ossuáriu Baukau.

Prezidente Repúblika, Francisco Guterres ‘Lú Olo’ hatete, "Timor-Leste iha parte ne'ebé de'it sempre iha restus mortais sadozu sira, tanba parte hothotu Timor-Leste tomak, funu ne'ebé halo durante tinan 24, nia konsikuénsia ne'e sempre kona Timor-Leste tomak.

"Portantu ne'e halo parte 28 novembru sei selebra aban, ne'e hanesan sinal de rekoñesimentu ba sakrifisiu boot, ne'ebé fó ba ita-nia rai, hodi hetan nia ukun rasik-an no liberdade", dehan Lú Olo.

Entretantu iha selebrasaun missa ne'e marka prezensa husi Prezidente Repúblika, Francisco Guterres 'Lú Olo' ho nia espoza,  Prezidente Parlamentu Nasional, Aniceto Guterres ho nia espoza, Prezidente Tribunál Rekursu, Deolindo dos Santos ho nia espoza, Ministra Saúde, Odete Maria Freitas Belo, Ministru Administrasaun Estatal, Miguel Pereira de Carvalho, nomós membru VIII Governu konstituisional, deputadu, komvidadu no sarani sira. (*)

Rate this item
(0 votes)
Last modified on Saturday, 27 November 2021 15:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter