Eskola ne’ebé tarjetu ba forsa navál EUA ho nia tekniku sira atu halo survey mak, eskola EBC Nu.03 vila nova, EBC Seiçal no Eskola Sekundária iha Uailili, maibe eskola Ensinu Sekundária Jerál Nu.02 vila nova besik sidade, nune'e EUA husu atu hato'o pedidu.
Adjuntu diretór eskola ensinu sekundária jerál Nu.02 vila nova Baukau, Titus Almeida informa, EUA husu pedidu, entaun husi eskola hato'o pedidu to'o ikus halo duni konstrusaun ba sala-4 iha tinan 2019 ba kotuk.
"Sira husu eskola presiza entaun halo pedidu ruma, entaun momentu ne'e kedas ha'u halo pedidu", dehan nia, kuarta (17/11).
Konstrusaun refere dadaun to'o ona pursentu 80, tanba hela de’it taka kalen, monta arus odamantan, janela, pinta no halo instalasaun eletrisidade.
Nune'e, Aliezen Oficcer ba EUA, António dos Reis Soares haktuir, eskola ensiñu sekundária Nu.02 vila nova Baukau, la'os sai tarjetu ba forsa navál EUA atu survey no halo konstrusaun, maibé haree fatin konstrusaun besik sidade, nune'e fó hanoin ba parte eskola prepara dokumentus rai nian hodi entrega ba EUA hatama iha sistema hodi halo diskusaun.
"Kona-ba ida ne'e ba halo duni survey maibé la'os fokus ba sira, la'os sira mak sai target iha eskola seluk mak sai target, eskola SMA-02 la'os planu tarjetu ba forsa navál nian", katak nia
Entertantu, konstrusaun refere hahú iha loron 10 fulan-setembru tinan 2021, no tuir planu remata iha fulan-dezembru tinan 2021 no orsamentu ba konstrusaun ho montante rihun US$ 350. (*)
