Login to your account

Username *
Password *
Remember Me

MEJD Rekolla Dadus Profesóres Reklamante Iha Baukau

Ekípa MEJD rekolla hela dadus profesóres reklamante iha Suku Afaça Postu Administrativu Kelikai, kinta (18/11). Ekípa MEJD rekolla hela dadus profesóres reklamante iha Suku Afaça Postu Administrativu Kelikai, kinta (18/11). Foto Tomas Freitas

Tempotimor (Baukau) - Ministéiru Edukasaun Juventude no Desportu (MEJD) liuhusi ekípa verifikadór auditor no investigadór rekolla ona dadus profesóres reklamante iha Munisípiu Baukau.

Ekípa MEJD audiotor no investigadór nasionál, Rodolfo Aparicio hatete, orientasaun atu rekolla dadus profesóres reklamante sira iha Munisípiu Baukau atu lori ba nasionál hodi halo relotóriu entrega ba MEJD hodi atende kondisoins profesóres iha baze.

"Ami mós hato'o totál profesóres voluntáriu ga reklamantes husi nivél eskolaridade pre-eskolar, primeiru siklu, segundu siklu, treseiru siklu, nivél sekundária no tekníku vokasional ohin ba loron haat ona, ami rekolla hotu ona postu baguia no laga loron ida ne'e ami iha kelikai", dehan Rodolfo, kinta (18/11).

Baze legál ne'ebé presiza iha intervista, profesóres tenki iha billeti indentidade, kualifikasaun profesóres nian, abitasaun literatura, orariu profesóres, planu lisaun, livru dezenvolvimentu, nune'e mós kartaun vasina covid-19.

Alende husi baze legal, profesór sira tenke aprezenta karataun eleitóral no diploma originál husi Ministéiru Edukasaun Juventude no Desportu.

"Normalmente foin mak rekolla dadus, kona-ba desizaun atu fo salariu ou lae, ne'e nivél altu nian, maibé hanesan profesionál edukasaun nian, ami tuir orientasaun ne'ebé mak iha", nia afirma

Profesóres reklamante sira ne'ebé iha difikuldade seida'uk priense formulariu husi MEJD, sei iha tempu atu bele halo komunikasaun ba parte audiotoriu investigadór atu bele priense formulariu, tanba hotu-hotu asume kna'ar hanesan profesóres.

Nune'e, profesór reklamantes husi eskola ensinu báziku filiál Uatame, Placido dos Reis hatete, dadus ne'ebé ekípa husi MEJD rekolla, lalika ba rai di'ak iha gaveta laran, maibé kria netik kondisaun, tanba iha baze hanesan profesór mós halo kna'ar tuir orariu ne'ebé diresaun edukasaun estabelese ba kada eskola.

"Ami mós halo servisu, ami mós iha nesesidade ne'ebé presiza osan, ne'e duni lalika rekolla de'it dadus, maibé atende mós ami nia problema", katak nia.

Nia parte hahú hanorin iha eskola EBF Uatame iha tinan 2020, maibé ladaun simu buat ida husi MEJD, maibé lalakon espiritu profesór nian, nafatin hatutan matenek ne'ebé nia iha.

Tuir planu Ministéiru Edukasaun Juventude no Desportu nian, rekolla dadus profesóres reklamante iha Munisípiu Baukau durante loron-14. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter