"Proposta orsamentu ba fundu dezenvolvimentu Kapitál umanu, purvolta US$ 12 milhões ne'ebé aloka programa haat iha OJE 2022”, dehan Diretór Ezekutivu FDHC, Hermenegildo da Silva, hafoin finaliza audénsia ba proposta OJE 2022 ho komisaun G iha Parlamentu Nasionál (PN), segunda (08/11).

Ba proprama hirak ne'e mak formasaun profisionál, formasaun tékniku, bolsu estudu, bolsu hakbi’it, nomós bolsu parsiál no bolsu estudu ne'ebé sei oferese ba universidade privadu iha rai laran.

Dadauk totál bolsa estudu, ne'ebé ativu hela, hamutuk rihun-1.953, nomós ba bolsu estudu hakbi'it ne'e hamutuk 910. Enkuantu ba tinan oin (2022) sei iha tan, rihun ida-resin.

Aleinde ne'e, atribui mós bolsa parsiál ne'ebé mak rihun-ida, nomós bolsu estudu ba unversidade privadu sira ne'e sei foku liuba formasaun lian portuguéz ne’ebé hanaran ano zero (0).

Maibé programa atribui bolsu estudu ba univesdiade privadu sira iha tinan 2021 seidauk bele realiza tanba presiza prepara lejislasaun no kritéria balun.

Tanba ne'e, iha tinan 2021 foin iha faze tuir formasaun lian portugéz hafoin tinan oin (2022) bele aranka ba eskola iha pais CPLP, kuaze 56 pesoál, inklui mós bolsa kada méritu hamutuk 30 pesoál ne'ebé mak sei halo iha tinan 2022 mai.

"Maibé tinan ida ne'e ita la konsege implementa tanba ita sei iha prosesu lejislasaun balun ne’ebé tenke ita prepara, atu define ninia kritéria, entaun tinan oin (2022) mak ita foin implementa, tanba ne'e ita presiza tau iha planu orsamentu 2022 ne'e”, dehan nia. (*)