Login to your account

Username *
Password *
Remember Me

PN Sei 'Defende' Orsamentu Adisionál UNTL-IPB ba Tinan 2022

Prezidente Komisaun G Parlamentu Nasionál, António Verdial. Prezidente Komisaun G Parlamentu Nasionál, António Verdial. Foto Suplay

Tempotimor (Dili)- Komisaun G trata asuntu Edukasaun, Juventude, Kultura no Sidadania, Parlamentu Nasionál (PN) deside sei defende proposta adisionál husi Universidade Nasionál Timor Lorosa'e (UNTL) no Institutu Politékniku Betano (IPB) iha debate proposta Orsamentu Jerál Estadu (OJE) tinan fiskál 2022.

"Ami kontente rona halerik ne’ebé mai husi magnífiku reitor UNTL ho ninia estrutura tomak, sira-nia halerik mak sira hatete katak, orsamentu ida hanaran Kapitál Menor ne'e Governu koa hotu, maibé ami fó esperansa ba sira katak ami sei tau matan, oinsá ami bele luta iha plenária, atubele tau fali orsamentu ida ne'e”, dehan Prezidente Komisaun G, António Verdial iha PN, tersa (09/11).

Tanba Komisaun G haree katak orsamentu ba UNTL no IPB  ba tinan 2022 mak kuandu hetan redusaun ida ne'e sei prejudika tebtebes asuntu ensinu aprendijazen iha UNTL, nune'e mós ba institutu politekniku Betano.

"Fisklizasaun iha Betano Uluk ami ba seidauk iha avansu, maibé antes ita realiza audénsia ho responsável sira, fulan tolu ba kotuk, deputadu sira mós prezensa ona iha Betanu, haree avansu sira ne'ebe siknifikante teb-tebes”, esplika nia.

Ho ida ne'e, Komisaun G sei luta hodi defende Proposta adisionál ne’ebé mai husi Institutu Politêkniku Betano (IPB) US$398.405, no UNTL millaun ida-resin.

Magnífiku Reitór UNTL, João Soares Martins hatete, dadauk orsamentu tinan 2022 ne'ebé Governu aloka ba UNTL ho montante millaun U$16 resin ne'e la konsege responde ba montante orsamentu ne’ebé mak propoin husi instituisaun tuteladu UNTL, tanba Rovernu halo redusaun.

"Ami tenta atu informa filafali ne'e ba komisaun G e membru parlamentu sira, atu ita semana oin audénsia ho Governu, señor deputadu sira bele rejista preokupasaun husi UNTL nian”, afirma nia.

Enkuantu tetu proposta OJE tinan fiskál 2022 ba UNTL hamutuk millaun US$16-resin. 

Nune'e mós ezekusaun OJE 2021 ba UNTL dadauk atinje ona pursentu limanulu-resin-neen (56%). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter