"Ami mai kumprimentu Prezidente e aumesmu tempu espoen kona-ba UNTL nia planu ba oin e husu sua eselénsia Prezidente atu bele apoiu UNTL, tanba sua eselénsia hanesan mós alumni UNTL", dehan nia hafoin sorumutu ho PR Lú Olo iha Palásiu Prezidente Bairopite, tersa (19/10).
UNTL halo hela planu estratejia univerdade nian ba tinan 2021-2030 no sei aposta mós planu estratejia Governu nian liga ba planu nasionál ho planu globál ne'ebé eziste.
"Prezidente apoiu tomak universidade ninia planu no sempre akompaña nafatin UNTL nia andamentu e disponivel atubele apoiu tuir biban, kbi’it ne'ebé Prezidente iha, porque ita hatene iha Timor semi sistema Presidensiál, Prezidente laiha osan, osan iha Governu. Se Prezidente bele mós influénsia parlamentu e Governua entaun se bele apoiu mós UNTL iha misaun universidade nian ba melloramentu ensinu, peskiza no servisu komunitáriu", hatete nia:
Entretantu kona-ba ezekusaun osan propina ba estudante, Reitór hanoin klaru tebe-tebes primeiru semestre estudante hothotu Governu mak selu husi universidade públiku nomós universidade privadu sira. (*)
