MEJD Aviza Profesór Sira ‘Reviu’ Matéria ba Estudante 

Ministru Edukasaun Juventude no Desportu (MEJD), Armindo Maia. Ministru Edukasaun Juventude no Desportu (MEJD), Armindo Maia. Foto Suplay

 Tempotimor (Dili)-Ministru Edukasaun Juventude no Desportu (MEJD), Armindo Maia, husu ba profesór sira atu reviu filafali materia sira ne'ebé la konsege hanorin ba estudante sira iha fulan hirak liuba antes tama ezame finál iha fulan-dezembru 202.

“Falta fulan rua estudante sira atu hala'o ona sira-nia ezame finál, tanba ne'e ha'u husu favor ba mestre sira atu reviu filafali materia ba sira, durante fulan rua ne'e nia laran, hodi rekupera materia sira ne'e hotu ba estudante sira”, dehan Armindo Maia, iha eskola 30 de agusto, kinta (07/10).

Prosesu aprendisajen ba estudante sira hahú husi pre-eskolar to’o universidade sira durante fulan barak nia laran atrazadu tanba impaktu husi pandemia Covid-19. 

Maibé dadaun ne'e, estudante sira hahú filafali prosesu aprendisajen prezensiál tanba tuir dadus ministáriu saúde (MS) númeru pasiénte pozitivu Covid-19 iha Timor-Leste menus.

“Husu ba mestre sira tenke tau forsa hamutuk, hodi rekupera tempu no matéria sira ne'ebé lakon ona, nune'e hatudu ita-boot sira-nia responsabilidade ba estudante sira, tanba durante mestre sira hela iha uma mós simu nafatin osan”, afirma nia.

Ba materia ne’ebé reviu ba estudante sira ne'ebé la konsege hanorin durante pandemia Covid-19 ne'e maske la to’o pursentu atus-ida (100%) mós pelumenus atinje 80% antes tama iha meadus fulan-dezembru hodi tama iha ezame finál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter