“Ita hakarak aselera prosesu konstrusaun ne'e, tanba ita-nia kondisaun eskola barak mak la di'ak ona, ita reforsa prosesu nee, hahú agora atu bele finaliza iha fulan-marsu ka Abríl 2022”, dehan Armindo Maia iha Salaun MEJD VilaVerde, kuarta (07/10).
Prosesu ezekusaun projetu ne'e tenke aselera, tanba agora ne'e eskola barak estragu husi dezastre naturál iha tinan ne'e (2021).
“Hanesan eskola iha Lolotoe, Munisípiu Bobonaru nia ne'e anin sobu hotu kalen sira, entaun ida ne'e ita presiza apoiu emerjénsia atu labarik sira bele eskola filafali, ne’e duni ho projetu ne'e ita tau prioridade atu hadia eskola sira ne'e”, afirma nia.
Entretantu projetu ne'e sei gastu orsamentu hamutuk millaun US$20-resin, ba implementasaun projetu konstrusaun sala aula hamutuk 657, liuhusi transferénsia públiku ne'ebé aloka ba MEJD iha tinan 2021. (*)
