“Apoiu pulsa internet ba estudante sira husi ensinu báziku to’o ensinu sekundária, ne'ebé liuhusi orsamentu raktifikativu aprova ona por volta 3.2 milões ne'ebé atu fornese pulsa ba ita-nia alunu sira”, dehan António Guterres, iha salaun MEJD Vilaverde, kinta (29/07).
Durante ne'e MEJD kontinua halo preparasaun tékniku no enkontru ho operadór 3 Telemor, Telecomsel no Timor Telecom, no remata ona iha loron 28 fulan-jullu ba preparasaun tékniku. Tanba ne'e espera iha tempu badak fó sai ona nia rezultadu ba pagamentu refere.
“Dadaun ne'e ba ona iha ita-nia diresaun Diretór Jerál Planeamentu Edukasaun Polítika Inkluzivu (DDJPEPI) no ita hein katak tempu besik bele fó sai ona, pagamentu ne'e”, dehan nia.
Tanba ba dahuluk tenke halo aproximasaun didi’ak ho operadór sira atubele fó apoiu ba estudante sira nomós iha nia vantajen.
Entretantu númeru estudante ne’ebé rejista ona husi MEJD ba pagamentu refere hamutuk 392.024. (*)