Login to your account

Username *
Password *
Remember Me

MESSK Kontrata Operadór 3 Oferese Pulsa Ba Estudante 38.107

Reprezentante operador Telemor, Telecomsel no TimorTelecom foto hamutuk ho reprezentante MESSK hafoin asina kontratu iha salaun MESSK, sesta (23/ 07). Reprezentante operador Telemor, Telecomsel no TimorTelecom foto hamutuk ho reprezentante MESSK hafoin asina kontratu iha salaun MESSK, sesta (23/ 07). Foto Tempo Timor

Tempotimor (Dili)-Diretór Jerál Administrasaun Finansas husi Ministériu Ensinu Superior Siénsia Kultura (MESSK), Hernani da Costa Soares hatete, ministériu asina ona kontratu ho operadór telekomunikasaun 3 atu oferese pulsa ba estudante 38.107 husi Institutu Ensinu Superior.

Estudante husi Institutu Ensinu Superiór públiku no privadu hamutuk sanolu-resin-ualu (18) ne'ebé eziste iha Timor-Leste, ne'ebé rejistu ona sei hetan pulsa atubele asesu liña internet hodi halo peskiza no tuir aula.

“Ohin ita asina kontratu ho kompaña tolu, Timor Telecom, Telkomsel no Telemor, atu apoiu pulsa ba estudante hamutuk 38.107 ba ensinu Superior 18 ne'ebé akreditadu iha MESSK, ne'e atu estudante sira peskiza, ou tuir aula ho di’ak”, dehan Hernani da Costa Soares, iha salaun MESSK, sesta (23/07).

Husi estudante ne'ebé mak rejistadu iha Ministériu Ensinu Superior atu hetan pulsa ne'e hamutuk rihun-64, nune'e pulsa sei oferese ba kada númeru ne'ebé rejistu ona.

“Agora pulsa ne'ebé ami haruka depende ba númeru ne'ebé mak tama mai iha ministériu, e neste momentu númeru ne'ebé ministériu ensinu superior iha mak hamutuk 38.107, ba operadór tolu, nune'e númeru telemor ho totál 2.668 ba operadór Telemor, númeru Timor Telecom ho totál 9.244, númeru Telkomsel ho totál 5.195”, informa nia.

Mekanizmu tranfere pulsa ne'e direita ba estudante sira-nia númeru ne'ebé mak rejistradu ona, no oferese pulsa hahú husi asina kontratu to’o iha fulan tolu.

Iha fatin hanesan, Ladislau Saldanha nu'udar Diretór Sistema de Informasaun Timor Telecom, nomós reprezenta operadór Telemor no telkomcel hatete, inisiativa husi MESSK ne'e furak tebes atu oinsá bele ajuda estudante sira hodi asesu liña internet ho di'ak ba peskiza no aula.

Nune'e kada universidade sei hetan liña internet ho 5 megabits (MB) no kada estudante sei hetan pulsa US$10 kada loron sanolu-resin-lima.

“Ba liña internet kada universidade sei hetan 5MB no estudante sira sei hetan pulsa 10 dólar, maibé tuir kontratu ne'ebé iha sei fahe ba rua, kada quinzes dias mak transfer pulsa to’o fulan tolu, la'ós fó fulafulan, nune'e sira bele uza ho sukat”, esplika nia.

Entretantu operadór tolu ne'ebé asina kontratu ho MESSK asina mós kontratu apoiu liña internet ba Institutut Ensinu Superior privadu 16 ne'ebé iha Timor-Leste, la inklui UNTL no IBP tanba universidade rua ne'e iha nia internet rasik.

Ba orsamnetu internet ne'ebé aloka ba kada universidade ho totál hamutuk US$1,500. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter