Estudante FCS Deside Taka Portaun Ba Fakuldade Medisina

Estudante Fakuldade siénsia Sosiais (FCS) sira ka'er hela baner hodi protesta iha kampuz lama kaikoli, tersa (06/07). Estudante Fakuldade siénsia Sosiais (FCS) sira ka'er hela baner hodi protesta iha kampuz lama kaikoli, tersa (06/07). Foto Tempo Timor

Tempotimor (Dili)-Estudante Universidade Nasionál Timor Lorosae (UNTL) liliu Fakuldade siénsia Sosiais (FCS) deside taka portaun ba Fakuldade Medisina siénsia no saúde (FMSS) hodi utiliza edifisiu foun iha área FCS.

Inaugura edifísiu ne’e husi Ministru Ensinu Superiór, Siénsia no Kultura (MESSK), Longuinhos dos Santos, hetan akompaña husi Reitór Universidade Nasionál Timor Lorosa'e (UNTL), João Soares Martins, ho sivitas akadémika UNTL nian.

Edifísiu foun ho medida andar tolu (3),kompostu hosi aula 18 ho fasilidade sanitaria 18 ba feto no mane,nune'e estudante FCS husu atu fo sala walu(8) ba sira hodi uza no FMSS uza sala sanolu(10)

"Ami-nia ezijénsia mak sira fó sala ualu ami uza, sira uza sanolu, ne'e desizaun ami-nia, selae ami taka portaun no fatin ita sei la uza, to’o Reitór no Ministru Ensinu Superior tun mai ita ko'alia, se ita ko'alia solusaun laiha ita husik fatin ne'e no ita la uza hotu”, deklara Senadu FCS, António dos Santos Loco, hafoin partisipa iha inaugurasaun edifísiu foun, Kaikoli, tersa (06/07).

Tanba antes ne'e, FCS mós halo ona pedidu ida ba magnifiku Reitór atubele fó oportunidade mós ba estudante FCS atu hetan direitu ba edifisiu foun ne'ebé mak inaugura ne'e, maibé infelismente edifísiu foun ne'e fó hotu ba fakuldade medisina siénsia saúde.

"Entaun haree ba ida ne'e ami estudante FCS la aseita totál, atu dehan katak ida ne'e iha ami-nia área, nune'e ami mós iha direitu, enjeral totál estudante ne'e ami barak liu, depois ko'alia kon-ba departamentu ami departamentu hitu kedas, sira neen de’it, no ami-nia sala hamutuk sia, no sira-nia edifisiu foun ne'e sala 18, no sira mós uza fatin tolu, Lahane, Kaikoli, no kampus Sentral”, dehan nia.

Antes ne'e estudante FCS la halo intervensaun tanba sira taka ba estudante sira, no dahuluk  sira halo negosiasaun estrutura fakuldade katak ida ne'e tinan lima depois entrega ba FCS, maibé realidade inaugura entrega tomak ba FMSS.

Iha fatin hanesan Reitór UNTL, João Soares Martins hatete, desde nia seidauk asume kna’ar hanesan Reitór no desde konstrusaun edifisiu refere dedika ona ba FMSS.

Tanba moris iha prosesu dezenvolvimentu ne'e sei dezenvolve nafatin, nune'e FCS sei hetan iha tempu tuir mai, se la hetan tinan 2021 sei bele hetan tinan 2022 no ba oin kuandu iha dezenvolvimentu infraestrutura sei destina mós edifisiu balun ba FCS.

"Ha'u triste oituan bainhira estudante sira halo protestu maibé depois ami sei ko'alia didi’ak atu rezolve kestaun ne'e no ha'u la espera katak ida ne'e akontese maibé mesak matenek na’in de'it, no mesak UNTL nia, nune'e ita espera nu'udar matenek na’in, se responde ho di'ak labele halo barullu, labele halo protestu ne'ebé mak lori ba violénsia fiziku, no ami sei ko'alia didi’ak hodi rezolve kestaun ne'e”, promete Reitór.

Sala edifisiu foun ne'e sei la fahe, maibé iha estudante balun hakarak uza bele, maibé ba uza ema nia fatin tenke husu lisensa lai kuandu ema permite mak foin uza mesmu dentru iha UNTL nia laran. (*)

 

Rate this item
(0 votes)
Last modified on Tuesday, 06 July 2021 20:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter