Login to your account

Username *
Password *
Remember Me

MI Distribui Karreta Patrullamentu 21 Ba Munisípiu 12, RAEOA no Unidade 3

Kareta Patrullamentu hamutuk 21 ne'ebé Ministériu Interior (MI) ho Komandu PNTL distribui ba komandu munisipiu sira, para hela iha Kuartel Jerál Kaikoli, tersa (06/07).  Kareta Patrullamentu hamutuk 21 ne'ebé Ministériu Interior (MI) ho Komandu PNTL distribui ba komandu munisipiu sira, para hela iha Kuartel Jerál Kaikoli, tersa (06/07).  Foto Tempo Timor

Tempotimor (Dili)-Governu liuhusi Ministeriu Interior (MI) hamutuk ho Komandu Jerál (Komjer) Polísia Nasionál Timor-Leste (PNTL) distribui karreta patrullamentu hamutuk 21 ba komandu Munisípiu 12 ho Rejiaun Administrativa Espesial Oekussi Ambeno (RAEOA) inklui Unidade Patrullamentu Fronteira (UPF), Unidade Polísia Marítima (UPM) no Unidade Espesial Polísia (UEP).

"Ohin dia 6 de juñu 2021, ita halo distribuisau, viatura totál 21 viaturas operasionál. Husi 21 ne'e, iha fulan kotuk liu ba ita fahe ona 6, ohin loron ita kompleta tan 15 viaturas. Entaun, totál iha 21 viaturas”, dehan Komandante Administrasaun PNTL, Superintendente Xefe José Soares, iha Kaikoli, tersa (06/07).

Viatura hirak ne'e utiliza Orsamentu Jerál Estadu (OJE) tinan 2021 ho montante rihun US$735, ne'ebé sosa liuhusi kompañia Auto Timor, tanba sira iha ajénsia própriu iha kapitál Dili.

Entrentantu Komandante Jerál PNTL, Komisáriu Faustino da Costa hatete, iha tinan 2020 komandu halo ona distribuisaun kareta hamutuk 14, no iha 2021 entrega tan karreta operasionál hamutuk 21.

"Karreta hirak ne'ebé distribui ba ita-boot sira, ne'e kompras ida ne'ebé liuhusi orsamentu jerál estadu iha 2021 nian ne'ebé seño Vise Ministru Interior (António Armindo), ne'ebé defende orsamentu tantu husi governu nia krop nomós iha parlamentu. Señor komandante sira nomós membru tomak, ita husu ema seluk atu fó buat ruma ba ita, ne'e buat ida dalawain ita hanoin dehan fásil tebes. Maibé, dalawain mós la’ós fásil, sé ita husu ema seluk atu responsábiliza buat ruma ba ita. Ida ne’e mak buat ida la fásil”, dehan Komisáriu Faustino.

Tanba PNTL iha ninia sistema ho regra kona-ba utilizasaun sasán hirak ne'e, iha despaixu ho not ba uzu viatura sira estadu nian, uniformizasaun ba matrikula.

"Karreta hirak ne'ebé tinan kotuk ita-boot sira simu, nomós tinan ne'e ita-boot sira simu, sei uza matrikula governu, iha tempu tuir mai sei uniformiza ba matrikula PNTL ninian ne'ebé ita-boot sira hatene tuir not, tuir diploma ministerial ne'ebé hatuun ba ita”, esplika nia.

Tanba ne'e, husu ba komandu PNTL kada Munisípiu sira atu uza karreta hirak ne'e tuir duni ida-idak nian, no labele Munisípiu seluk uza fali seluk nian, inklui mós ba unidade sira hotu. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter