“Ha’u sei foti desizaun hasoru IES neebé viola regra no la obedese bá desizaun Governu nian, no ha'u koloka ona ekipa monitorizasaun hodi fiskaliza lala'ok IES sira nian, molok deside sansaun ruma tanba lei estabelese ona, no bainhira sira ne'ebé viola ka la kumpre regra, sira tenke hatán bá prosesu, nune'e husu ba IES atu Kumpri desizaun husi Governu”, dehan Ministru Longuinhos iha Palásiu Governu, kuarta (07/07).
Entretantu Reitór Universidade Nasional Timor Lorosa’e (UNTL), João Soares Martins hatete, UNTL seidauk serteza atu reativa aula prezensiál tanba bazeia ba despaixu husi governu liuhusi MESSK katak atu reativa aula presiza prenxe rekezitu
“Universidade atu reativa aula prezensiál presiza prienxe rekizitu sira no despaxu reativasaun husi Governu no reativasaun aula sei haree ba estudante, dosente, no funsionáriu sira vasina hotu lai, nomós despaxu husi MESSK atu reativa, tanba ita iha hela Serka Sanitária no Estadu Emerjensia”, afirma nia.
Maibé espera nafatin númeru vasinasaun sívitas akadémiku UNTL aumenta atu Timor-Leste bele livre nafatin husi surtu Covid-19 ho nia variante seluk, nune'e bele reativa fali aula prezensiál. (*)
