Login to your account

Username *
Password *
Remember Me

ETV ho Valór 44 la Tama iha UNTL, Estudante 97 ho Veteranu Keixa MESSK ba PN

Veteranu Manuel Gomes "Laku-Liak" hamutuk ho reprezentante estudante Ensinu tèkniku vokasional (ETV) nain 97, koalia hela ho jornalista iha parlmentu nasional sesta (26/2). Veteranu Manuel Gomes "Laku-Liak" hamutuk ho reprezentante estudante Ensinu tèkniku vokasional (ETV) nain 97, koalia hela ho jornalista iha parlmentu nasional sesta (26/2). Foto Tempo Timor

Tempotimor (Dili)-Veteranu Manuel Gomes "Laku-Lia" nu'udar reprezentante estudante hamutuk na'in-97 hato'o keixa ba Komisaun G ne'ebé trata asuntu edukasaun iha Parlamentu Nasionál hodi kontra desizaun Ministériu Ensinu Superiór, Siensia no Kultura (MESSK) tanba valór estadun aas maibé la admitidu iha Universidade Nasionál Timor Lorosa'e (UNTL).

Nia koalia ne'e, tanba valór másimu entre Ensinu Tékniku Vokasionál (ETV) no Ensinu Sekundáriu Jerál (ESG) ne'e iha diferente maibé MESSK la haree kestaun ne'e.

Tanba daudaun ne'e valór masimu ne'ebé ensinu tékniku vokasionál 44 no 43 no balun 30 itál de'it.

"Ohin ami mai hato'o kestaun estudante la asesu tinan akadémiku 2021, atu nune'e lori sira-nia lamentasaun kona-ba la asesu UNTL, tanba iha buat balun ne'ebé ita presiza atu hadi'a, hanesan kona-ba ekivalénsia, valór entre ETV ho ESG," dehan nia iha Parlamentu Nasionál, sesta (26/2).

Nia esplika, husi ensinu tékniku vokasionál ho valór kiik tanba ensinu tékniku vokasionál ne'e matéria haat de'it, no valór ba ensinu sekundariu jerál ne'e boot tanba sira iha matéria neen.

"Ne'ebe sé karik ita multiplika por ida másimu sekundáriu jerál ninian ne'e ho valór másimu ensinu tékniku vokasionál ninia ne'e la hanesan," hatete nia.

Reprezentante estudante ne'e nota governu liuhusi MESSK Ministeriu ladún tau atensaun ba buat sira-ne'e.

"To'o ohin ita haree no nota katak, ensinu tékniku vokasionál laiha ida tama iha universidade tanba sira-nia valor la boot, tanba ne'e ami-nia preokupasaun mai to'o iha-ne'e, atu nune'e Parlamentu Nasionál bele iha kbiit atu adjusta buat sira-ne'e," nia subliña.

Nia afirma, estudante ensinu tékniku vokasionál ne'ebe la konsege asesu ba UNTL ne'e konpostu husi munisípiu hamutuk 12 inklui Rejiaun Administrativu Oekusi Ambeno (RAEOA)

Hatán ba kestaun ne'e, Prezidente Komisaun G, Deputadu António Verdiál de Sousa, hatete komisaun simu keixa balun husi estudante sira, ne'ebé la liu iha prosesu ezame atu asesu ba UNTL.

Hafoin simu keixa, hanesan rerezentante povu fo hikas resposta no fó hanoin balun ba sira katak, Parlamentu Nasionál orgaun lejizlativa bele rona halerik sira-ne'e maibé sei la interfere ba servisu órgaun ezukutivu nian.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter