Hafóin serimonia asinatura, MAPKOMS Francisco Jerónimo hateten, selebrasaun akordu MAPKOMS ho institu Camões ne'e nu’udar kontinuasaun akordu anterior ne'ebé antes asina ona.
Nia dehan, objetivu prinsipal husi akordu ida ne'e ho intensaun atu loke fórmasaun lingua portugueza oinsa atu kapasita jornalista sira husi instituisaun rua hanesn media privadu inklui media nasional sira.
"Asina akordu ohin ne'e hanesan kontinuasaun akordu antes ne'e halo hodi kapasita jornalista iha lian portugés no tekniku hakerek notisia iha lian portugés tuir padraun ne'ebé iha", nia koalia asuntu ne’e hafóin asina akordu Ho institu Camões iha Sentru Kulturál, Embaixada Portugál, Kinta (10/12).
Kona-ba durasaun husi akordu ne'e Nia haktuir, ida ne'e konfórme desizaun governu Timor-Leste nian, atu hapara ou renova.
Iha oportunidade Ministru Jeronimo mós husu ba jornalista hotu atu aproveita oportunidade ida ne'e nune'e oinsa mak bele kapasita sira nia an hodi hetan esperensia barak iha area jornalista nian.
Iha fatin hanesan Embaixadór Portugal iha Timor-Leste José Machado Viera sente orgullu tanba, kooperasaun governu portugués ho Timor-Leste la'o iha ambiente ida ne’ebé diak tebes.
Nune'e nia mós lori nasaun Portugal kompromete sei kontinua apoia Timor-Leste liu husi kontribuisaun treinamentu ba jornalista.
Iha fatin hanesan, Fórmadora Consultora Lingua para jornalista Professora Claudia Taveira hateten akordu ne'e nudar kontinuasaun akordu ne'ebé antes Sekretaria Estadu Komunikasaun Sosiál (SEKOMS) halo ona iha 2016 to'o 2020.
"Ohin ne'e Ministru Asuntu Parlamrntar no Komunikasaun asina fali ho Institutu Camões hodi kontinua fó fórmasaun ba jornalista liu husi konsultoria Lingua ba jornalista", dehan Claudia.
Nia dehan, akordu ohin loron nian ida ne'e iha diferente lahanesa ho akordu ne'ebé uluk asina ho sekretariu estadu no komunikasun sosial (SEKOMS).
Nia esplika uluk ne'e so fórmasaun ba jornalista oinsá hakerek notisia tuir padraun lolos, Maibé agora nian fórmasaun ba liu ninian espesifikasaun professionál nian. (*)