Tanba ne'e, Mandati senti sistema edukasaun daudaun ne'e hanesan dezastre no espera atu Ministru Edukasaun Joventude no Desportu (MEJD) Armindo Maia labele lori tan dezastre ba edukasaun iha Timor-Leste (TL).
"Ba ha’u, edukasaun daudaun ne'e dezastre, ha’u espera ministru Armindo Maia sei la aumenta tan dezastre," Mandati hateten iha PN, Kinta (10/12).
Mandati rekomenda, atu MEJD tau atensaun ba kualidade eskola ne'ebé loke barak iha Timor-Leste, hanesan utilizasaun lingua durante aprenijazen.
Deputadu bankada governu ne'e hatutan, Universidade sira mós sei utiliza liangua Indonézia tanba iha eskola primaria la utiliza lingua português.
Mandati argumenta, profesór sira mak fatór determinante mós ba kualidade formasaun ba alunu sira tanba ne'e presija hasae saláriu, tuir Mandati ohin loron nasaun ida kuandu destróidu la’ós ona uza bomba atómika maibé hein estraga deit sistema edukasaun.
Hatan ba preokupasaun deputadu Mandati nian, Ministru Armindo Maia hateten kestaun utilizasaun ligua parte atensaun husi MEJD nian tanba konsidera estudante mak sentru atensaun nune'e MEJD rasik deside atu rekruta tan professores 100 resin husi Portugal atu hanorin lian Português.
Alende ne'e, lingua materna daudaun ne'e implementa iha Munisipiu tolu hanesan iha Lautem, Manatuto no Oecuse, maibe daudaun ne'e MEJD deside hapara atu hatutan ba Munisipiu seluk tanba sei halo avaliasaun antes kontinua.
"Ita lakohi prezudika labarik sira, no sira mak tenki sai ita nia sentru atensaun," Armindo dehan. (*)
