EBF Komoro Hahú Funsiona Normal

Estudantes sira husi ensinu baziku 30 de Agusto, Komoro forma simu ulun bo'ot sira iha seremonia reabertura prosesu apriendisazen iha eskola ne'e (2/7) Estudantes sira husi ensinu baziku 30 de Agusto, Komoro forma simu ulun bo'ot sira iha seremonia reabertura prosesu apriendisazen iha eskola ne'e (2/7) Foto Isac Oliviera

Tempotimor (Dili)-Hafoin periodu estadu emerjensia remata, Ministériu Edukasaun, Juventude no Desportu (MEJD) deside hodi reativa hikas prosesu aprendizajen prezensial iha Ensinu Baziku Filial 30 Agostu, Komoro.

Iha Kinta (02/07) Vise MEJD António Guterres ofisialmente reativa prosesu aprendizajen prezensial iha eskola refere.

"Ohin ita mai atu haree fila fali ba faze daruak nian iha eskola 30 de Agostu, maibé bele dehan katak iha faze daruak ne'e di'ak ona, entaun bele garante katak eskola ida ne'e nia prosesu aprendizajen bele la'o di'ak nafatin, inklui kumpre regra sira ne'ebé Ministériu Saúde (MS) hamutuk ho MEJD fó sai," António ba jornalista sira.

Iha fatin hensan, Diretór EBF 30 Agostu, Aleixo Salsinha, agradese ba vise MEJD ne'ebé vizita ba eskola refere.

Entretantu, Diretora Saúde Munisípiu Dili Agostinha da Costa, kongratula EBF 30 Agostu, tanba esforsu maka'as hodi kumpre nafatin regra sira ne'ebé Ms no MEJD implementa ona.

Prosesu aprendizajen prezensial iha Ensinu hotu-hotu iha nasaun ne'e governu deside hapara iha fins Marsu tinan ne'e tan ba pandemia Covid 19.

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.