Reitór UNTL, hatete, iha interese boot atu koopera ho TIC TIMOR, I.P hodi fasilita servisu iha universidade.
"UNTL iha interese atu halo kooperasaun no servisu hamutuk ho TIC nomós espera ita bele halo akordu traballu hamutuk ne'e meiu di’ak atu fasilita servisu iha universidade nomós husu ba ekipa TIC nian atu halo vizita ba estudante sira iha kursu enjeñaria informátika nomós kursu seluk", dehan nia iha sala Video Konferénsia UNTL, tersa (17/10).
Diretór Diresaun Identidade Úniku, Florindo Guterres da Costa mós hatete, objetivu husi sorumutu ne'e atu kolabora ho UNTL no iha tempu hanesan sosializa programa ID úniku ba iha setór akadémiku nian.
"Sosializaun ne'e ba programa ID úniku ba setór akadémiku sira, nune'e bele hetan intervensaun liuliu nível akadémista sira bele fó hanoin karik iha buat balun sira bele fornese fali mai ajénsia, nune'e bele hadi’a servisu di’ak liután no sosializasaun ne'e sei hala'o iha loron 28 fulan-outubru 2022", nia argumenta
Sorumutu ne'e, hetan partisipa husi Diretór Diresaun Identidade Úniku, Florindo Guterres da Costa no ekipa tékniku husi (TIC TIMOR I.P). (*)