Tuir Sekretária Estadu Kooperativa (SEKOOP), Elizario Ferreira, katak, presiza fó formasaun atu bele la'o ho di'ak, tanba edukasaun mak raan ba dezenvolvimentu Kooperativa.
"Fó formasaun ba Kooperativa hamutuk 17 iha RAEOA formasaun ne'e sei fahe ba parte tolu formasaun ba dirijente sira, fiskais sira no operadores sira", dehan Sekretáriu Estadu Kooperativa, Elizário Ferreira bá www.tempotimor.com, segunda (10/10).
Nune’e, Diretóra Nasionál Edukasaun Formasaun no Informasaun (NDEFI), Jacinta dos Santos hatete, matéria ba iha lideransa Kooperativa mak identidade Kooperativa, oinsá atu halo jestaun, oinsá komunika atu rezolve problema no polítika Kooperativa.
"Horseik (10/10) ne'e, semináriu ba hotu-hotu, ohin ne'e (11/10) ba iha lideransa Kooperativa ba fiskalizador Kooperativa no ba Jestor Kooperativa formasaun ne'e sei termina iha loron (15/10)", nia relata
Formasaun ne’e, mós kapasita fiskais Kooperativa sira atu hatene nia kna’ar, fiskalizador ba kontrola lideransa, membru no ezisténsia Kooperativa nian.
"Ba Finanseiru legalidade jurídiku no ba organizasaun ba ninia Administrasaun", nia hatutan
Intensaun husi formasaun ne'e, atu asegura sustentabilidade instituisionál Kooperativa, estabilidade finanseira hodi oferese ba membru sira, asegura estabelidade Ekonómika membru Kooperativa atu kontribui ba ekonómia ida di'ak iha sosiedade nia leet. (*)
