Tanba Merenda eskolar agora dadaun la’o hela maibé produtu lokál folin sa’e relasiona ho infrasaun nessesidade báziku iha parte loja nian, ho ida ne’e defikulta tebes ba estudante sira.

“Maibé alokasaun fós nian laiha entaun lamentasaun eskola nian mak wainhira Governu la aloka fós ba eskola entaun tenke tau item seluk hodi sosa produtu lokál, atu nune’e ita bele hasa’e tan nia montante husi ,0.25 sentavus ba 0,50 sentavus, tanba agora dadaun ita-nia produtu lokál folin sa’e oinsá ita atu hasai osan hodi sosa menu sira ne’e ba ita-nia estudante sira”, dehan nia liuhusi telefone, tersa (24/05).

Orsamentu ba programa merenda eskolar nian ne’ebé aloka ba EBC Palaban hamutuk $4.128, husi orsamentu ne’e sei implementa durante loron 24 no estudante hamutuk 668.

Diretór Edukasaun Munisípiu Vikeké, Emidio Amaral hatete, programa merenda eskolar iha Munisípiu Vikeké foin implementa iha fulan-maiu tanba alokasaun orsamentu tarde.

“Ita-nia estudante hamutuk 26 mil resin mak assesu ba programa ne’e rasik kompostu husi eskola 18 ho nia orsamentu hamutuk $186,750, husi orsamentu ne’e sei implementa to’o fulan-outubru”, informa nia. (*)