Login to your account

Username *
Password *
Remember Me

Tinan 7, Profesór 116 Seidauk Hetan Osan Retroativu iha Oekussi

Estudnate sira tuir hela prosesu aprendizajen. Estudnate sira tuir hela prosesu aprendizajen. Foto Suplay

Tempotimor (Dili)-Portavoz Sindikatu Profesór RAEOA, Viçensio Cono hatete, durante tinan 7 profesór hamutuk 116 husi Reziaun Administrativa Espesiál Oekussi Ambenu (RAEOA) seidauk hetan orsamentu retroativu.

“Ita nia profesór 116 ne’ebé mak to’o agora seidauk hetan orsamentu retroativu ne’e, ami hato’o ona proposta ba MEJD (Ministériu Edukasaun Juventude no Desportu) maibé to’o agora seidauk responde ho ida ne’e durante tinan 7 ona ita-nia profesór sira ne’e nafatin hanesan ne’e”, dehan nia liuhusi telefone, tersa (24/05).

Relasiona ho ida ne'e, maske ajustamentu salariál no progresaun esklaun la'o barak ona maibé osan laiha, ho ida ne'e ajustamentu salariál ba profesór sira ne’ebé mak hetan tiha ona retroativu no balun seidauk hetan, ate a data balu seidauk iha.

Ho ida ne’e, ajustamentu salariál tuir nível edukasaun depois progresaun eskalaun, maibé profesór reformandu sira laiha troka ba eskola sira ho ida ne’e mak sai problema ba profesór sira, tanbá nia reforma maibé nia osan seidauk ajusta tuir tabela saláriu nian ne'ebé mak atinje liuhusi avaliasaun dezempeñu.

Ba sira ne’ebé mak tur iha Governu fulan-dezembru aprova tiha ona orsamentu kona-ba fós 35kilograma ba funsionáriu ida-idak no $25 dolar bá profesór sira ne’ebé mak la ho kargu, no $50 dolar bá diretór no xefe departamentu, $75 dolar ba diretor nasionál sira no $100 dolar ba diretór jerál, maibé to’o agora Governu seidauk selu, siknifika katak Governu sei budu hela, inklui tratamentu subsídiu ba área remota sira dezde 2015 to'o ohin loron 2022 rezultadu laiha.

“Relasiona ho preokupasaun ne’e ami konsidera nia hanesan sofer ou kondutór, lori ami-nia karreta maibé la tau matan ba roda, travaun, ho ida ne'e siknifika katak ita-nia Governu liliu MEJD la tau matan ba ninia ajente Administrasaun sira hothotu”, esplika nia.

Diretora Jerál Planu Politika no Inkluzaun, Odilia Das Dores Ung Martins hatete, tinan ne’e sira sei esforsu nafatin hodi rezolve preokupasaun profesór kontratadu sira ne’ebé mak durante ne’e servisu tinan naruk ona, maibé seidauk sai funsionáriu.

“Tinan ne’e ita sei esforsu hodi rezolve preokupasaun profesór kontratadu sira ne’ebé mak durante tinan naruk ona sira nafatin hala’o sira-nia kna’ar hanesan kontratadu, ho ida ne’e ita sei la rezolve hotu dala ida maibé ita sei rezolve neneik”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter