Akordu ne’e, Ministru Obras Públikas (MOP), Abel Pires da Silva, reprezenta husi Diretór Jerál Habitasaun no Urbanízmu (DJHU), Roger Tortuliano Belo, ho Reitór Universidade Nasionál Timor-Lorosa’e, João Soares Martins, iha komemorasaun lian-Portugés ne’ebé realiza iha loron 5 fulan-Maiu, iha Auditória UNTL, Dili.

Durante ne’e UNTL iha ona kooperasaun ho Institutu Camões – Instituto da Cooperação e da Língua Portuguesa, liuhosi programa Formar, Orientar, Certificar e Otimizar (FOCO) ho objetivu melloramentu kualidade ensiñu iha Timor-Leste no konsolidasaun lingua portuguesa ho instrumentu ba akizasaun no asesu ba koñesimentu. Tanba ne’e liuhosi asinatura ne’e, funsionáriu sira iha oportunidade hodi partisipa iha formasaun.

Iha oportunidade ne’e, formandu sira ne’ebé durante ne’e frekuenta ona kursu ka formasaun lian Portugués iha UNTL simu mós sertifikadu.

Ba formandu sira ne’ebé tuir ona formasaun mak Dosente no funsionáriu sira UNTL rasik, estudante sira, inklui funsionáriu sira husi instituisaun estadu nian.

Ho serimonia asinatura ne’e, ajenda Ministru Obras Públikas mak atu partisipa maibé tanba ajenda importante Konsellu Ministru Extraordinária ne’ebé tenke partisipa nune’e delega Diretór DJHU partisipa asinatura refere.

Partisipa iha serimónia ne’e mak Prezidente Komisaun Funsaun Públika (KFP), Faustino Cardoso Gomes, Diretór Ezekutivu Fundo de Desenvolvimento do Capital Humano (FDCH), Cristovão dos Reis, reprezentante husi Embaixada Portugál, Diretór Jerál no funsionáriu sira husi ministériu relevante, inklui dosente, formadór, formandu no estudante sira.

Aliende MOP rasik mós asina akordu kooperasaun ida ho eskola Koléjiu de Sto. Inácio de Loiola, Kasait, Munisípiu Likisá. (*)