“Lalika mehi, atu Amo Papa preukupa ho ninia vizita mai Timor-Lesta. Tanba dadaun ne'e, Amo Papa tenta atu hamaus Moskow-Rusia, ko’alia ho Prezidente Russia Vladimir Putin relasiona funu entre nasaun Russia no Ukraina”, dehan Horta iha Gabinete Farol Dili, Kuarta (04/05).
Tanba funu nasaun rua ne’e komesa fó ona impaktu boot ba ekonomia iha rai laran no halo Povu Ukraina sira hahú terus no laiha liberdade atubele moris.
Amo Papa ko’alia ona iha loron hirak liuba, nia hakarak ba vizita Moskow hodi ko’alia ho Prezidente Vladimir Putin atubele rezolve funu entre rai rua ne'e.
Tanba Amo Papa hatama vizita Timor-Leste maibé seidauk iha data determinadu nomós influénsia husi fatór sira seluk ne’ebé seidauk iha loron definitive.
“Klaru Amo Papa anunsiu ona katak, nia hakarak mai vizita nasaun Timor-Leste maibé seidauk iha data determinadu no influénsia husi saida?. Klaru influénsia husi situasaun rai laran nian la’ós politika de'it maibé mós tanba Covid-19”, informa nia.
Nune'e, Amo Papa nia ajenda rasik kansela tanba situasaun iha nasaun Ukraina kria difikuldade ba Xefe Estadu lubuk ida no nasaun hothotu preukupa ho situasaun ida ne'e. (*)