Items filtered by date: Monday, 08 March 2021

Tempotimor (Covalima)-Relasiona ho aplikasaun serka sanitária iha munisípiu Covalima, mak implika ba motorista no ajudante sira liu na'in 100 hodi la hetan vensimentu durante periodu serka sanitária obrigadu sakrifka familia.

Tempotimor (Dili) — Sekretaria Estadu Kooperativa (SEKoop), hahú ona envolve lideransa feto sira husi kooperativa kréditu nian hodi partisipa mós iha komemorasaun loron mundial feto nian ne'ebé realiza iha Salaun sorumutuk SEKoop nian iha Akait.

Tempotimor (Dili)- Kazu komfirmadu ba moras Covid-19 iha área Tasitolu hamutuk na’in-ualu no Bebonuk ida, tanba ne’e kazu pozitivu durante loron rua iha kapital Díli sa’e ba sia.

Tempotimor(Dili) - Membru Falintil-Forsa Defeza Timor-Leste (F-FDTL) no Polísia Nasionál Timor-Leste (PNTL) tuir ona teste SWAB husi ekipa saúde ba Covid-19, iha Sentru Integradu Jestaun Krauze (SIJK).

Tempotimor (Dili) - Bankada Kmanek Haburas Unidade Nasional Timor Oan (KHUNTO) deklara iha plenáriu katak, akuzasaun ne’ebé Bankada CNRT halo ba Ministru Transporte no Komunikasaun (MTK) ho Administrasaun Portu Timor-Leste, Instituisaun Publika (APORTIL, ip) falsu tanba laiha faktu.

Tempotimor (Dili) - Xefe Bankada União Democrática Timorense (UDT) iha Parlamentu Nasional, deputadu Francisco David, ejizi ba governu atu investiga kompaña ne’ebé distribui hahan sesta bazika, tanba deskonfia fahe tuir kor partidu.

Tempotimor (Covalima)-Maske povu Timor-Leste pursentu lubun boot seidauk sente saida mak dezenvolvimentu, maibé governu anteriór ne'ebé lidera husi lidér karimátiku Kayrala Xanana Gusmão konsege harii uma MDG 88 ba bibi iha Covalima no uma refere hafalun ho du'ut.

Tempotimor (DILI) - Transmisaun lokal covid-19 iha área Tasitolu-Dili, sidadaun na’in-rua pozitivu iha loron 7 fulan-marsu tinann 2021 halo universidade no Institutu sira iha kapital Dili hapara tan atividade provizória hodi hein desizaun husi Governu.

Tempotimor (Dili) - Iha loron segunda (08/03) kuaze tuku 8 oras Timor-Leste, sidadaun ho naran Tomas Bareto (52) nu’udar ai-leba, monu no mate iha estrada diresaun ba aldea Sentru, Suku Bemori, Postu Administrativu Na’in feto, Munisípiu Dili.

Tempotimor (Dili)- Governu liu-husi reuniaun Konsellu Ministru extraordinaria desidi taka movimentasaun ema nian ou atividade iha Munisípiu Dili ba Munisípiu sira no ema husi Munisípiu bele mai Dili maibe labele sai husi Dili, durante loron 7 nia laran, tanba ema na'in rua mak komfirmadu ona ba moras Covid-19 iha area tasi-tolu, Aldeia Tera-santa, Suku Madohi, Postu-administrativu Don Aleixo, no Munisípiu Dili.

Ministru Prezidensiá Konsellu Ministru, Fidélis Leti Magalhães, informa, serka sanitária ba Munisípiu Dili durante loron 7, hahu loron 09 to'o 15 Fulan Marsu tinan 2021, atividade hotu iha Dili laran paradu hotu, inklui programa implementasaun Cesta Básika.

"Konsellu Ministru desidi katak, hahu aban (loron tersa 09 Fulan Marsu), sei tama emvigor impozisaun serka sanitária no konfinamentu obrigatoriu ba iha Munisípiu Dili", Dehan Nia hafoin reuniaun Konsellu Ministru extraordinaria iha edifísiu Ministériu Finansas aitarak-laran, Segunda (08/03/21).

Durante loron 7 serka sánitaria ne'e, bandu ema hotu labele sai husi Munisípiu Dili.

"Sidadaun sira sei la autoriza atu hala'o atividade kulturáis, relijioza, no atividade sira hotu durante periodu loron 7 nia laran, no mós la autoriza atu sai husi hela fatin ba fatin públiku sira, ou dezloka ba fatin sira sein nesesidade, anaunser nesesidade hanesan hola ai-han, pulsa eletrisidade, no médikamentu sira", informa

Maibé, atu ba hola nesesidade sira urjenti, tenki la'o ema ida de'it, labele la'o grupu, no bainhira parte seguransa husi tenki justifika razaun.

Nune'e, atividade Igreja no eskola sira mós sei laiha durante loron 7 nia laran.

"Ita konklui katak, atividade sira hotu sei paradu iha loron 7 nia laran", nia dehan

Antes ne'e, iha loron 07 fulan Marsu tinan 2021, Kordenadór Forsa-Tarefa ba Prevensaun no Mitigasaun Surtu Covid-19, Rui Maria de Araújo hatete, kazu pozitivu Covid-19 na'in rua iha ona tasi-tolu, nune'e sei hato'o proposta bá Konsellu Ministru hodi tetu medidas ba situasaun iha rai laran.

"Aban dadeer se laiha nesesidade atu halo movimentu sai lapresiza lai halo movimentu sai, aban SS-SIJK sei hato’o proposta konkreta ba konsellu ministru atu foti desizaun kona-ba medida ne’ebé sei foti ba munisípiu Dili laran tomak", dehan Nia

Kazu konfirmadu Covid-19 ne'ebé dadaun baixa hela iha izolamentu hamutuk na'in 28. (*)