Items filtered by date: Wednesday, 31 March 2021

Tempotimor (Dili)- Maske iha loron 29 fulan-Marsu tinan 2021 Prezidente partidu Congresso Nacional da Reconstruçăo Timorense (CNRT), Kay Rala Xanana lori ona evidensia ho faktu sira ba hato'o ona iha Ministériu Públiku (MP) hodi hasoru karta keixa ne'ebé molok ne'e hato'o husi Sekretáriu Jerál Fretilin, Mari Alkatiri ne'ebe hatama hasoru CPN-CNRT na’in 21, tanba akuza nia simu subornu husi empreza Conoco Philips.

Tempotimor (Dili) - Kordenadór Forsa-Tarefa ba Prevensaun no Mitigasaun Surtu Covid-19 (CIGC-SS), Rui Maria de Araújo, deklara loron kuarta (31/03) covid-19 iha munisípiu Dili aumenta 41, ne'ebé hada'et maka’as husi suku Bebonuk, Fatuhada no Komoro.

Tempotimor (Dili) - Líder Klibur Tane Aas Obra Maun Boot Kay Rala Xanana Gusmão, Amaro da Costa ‘Susar’ simu notifikasaun husi Polisia Nasionál Timor-Leste (PNTL), hafoin fó solidariedade ba Prezidente Partidu Kongresu Nasionál Rekonstrusaun Timorense (CNRT, sigla portugés), Kay Rala Xanana Gusmão iha Ministériu Públiku, loron segunda (29/03/2021).

Tempotimor (Dili) - Deputadu sira iha Parlamentu Nasionál (PN) ejize governu atu obriga kompaña telkomnikasaun sira iha Timor-Leste (TL) aumenta velosidade rede internet ba nia kliente, tanba durante ne’e la’o neneik.

Tempotimor (Dili) - Parlamentu Nasional (PN), kuarta (31/03) aprova pedidu Prezidente Repúblika (PR), Francisco Guteres "Lú Olo" kona ba estesaun Estadu Emerjénsia (EE) ba dala sanuluk-resin-rua (XII) iha Timor-Leste, ho votu afavor 49, kontra 0 no Votu abstensaun 14 husi Deputadu Bankada CNRT.

Tempotimor (Díli) - Primeiru Ministru (PM), Taur Matan Ruak hatete, governu seidauk iha data fiksu ba aí-moruk vasina AstraZeneca bainhira mai to’o Timor-Leste (TL).

Tempotimor (Dili) - Durante atividade halo passa revista iha semana ida nia laran hahú husi loron 20 too 26 fulan-marsu tinan 2021, husi komandu PNTL Munisípiu Dili, liuhusi unidade tránzitu prende ona motorizada hamutuk 203 ho kareta hamutuk 26 no konsege rekolla koimas husi infratór sira hamutuk rihun US$7,008.00 (rihun-hitu, dollár ualu) hodi hatama ona ba kofre estadu.

Tempotimor (Dili) - Sekretáriu Estadu Kooperativa (SEKoop), Elizário Ferreira, hetan konvite direta husi Asian Confederation Credit Union (ACCU) hodi sai nu'udár oradór iha workshoop internasional ida ho tema jestaun kooperativa.

Tempotimor (Dili) - Governu liuhusi Ministru Koordenador Asuntu Ekonomia (MKAE), Joaquim Amaral hatete, governu sei apoiu subsídiu ba estudantes hanesan pulsa internet inklui traballadór sira ne'ebé lakon servisu durante Estadu Emerjénsia (EE) husi Orsamentu Rektifikativu.

Tempotimor (Dili) - Bankada Frente Revolusionariu Timor-Leste no Independente (FRETILIN), iha Parlamentu Nasional (PN) husu ba governu presiza haree no tetu didi'ak wainhira deklara tan medida Seka Sanitária no Konfinamentu Domisiliariu Jerál iha Munisípiu Dili, Baukau no Vikeke.