Covid-19 Sa’e iha Kapital Dili, Universidade Sira Provizória Hapara Tan Atividade

Tempotimor (DILI) - Transmisaun lokal covid-19 iha área Tasitolu-Dili, sidadaun na’in-rua pozitivu iha loron 7 fulan-marsu tinann 2021 halo universidade no Institutu sira iha kapital Dili hapara tan atividade provizória hodi hein desizaun husi Governu.

Ho alerta ne’ebé fó sai husi Sala Situasaun-Sentru Integradu Jestaun ba Krize (SS-SIJK) iha loron domingu (07/03) kalan, katak iha loron 8 fulan-marsu tinan 2021 dadeersan, sei laiha nesesidade atu halo movimentu sai.

Nune’e atividade iha Faculdade Ciências Sociais (FCS), Universidade Nasional Timor Lorosa’e (UNTL) provizória taka hafoin bele la’o fali iha loron 15 fulan-marsu tinan 2021.

Dekanu FCS, Camilo Ximenes Almeida hatete, FCS halo ona avizu suspende provizoria atividade aprendizajen iha kampuz hafoin bele normaliza fali iha loron 15 fulan-marsu tinan 2021 tuir desizaun konsellu Ministru.
“Ohin ita halo avizu ne’e antesipa de’it, maibé konsellu Ministru fó sai ona katak atividade sira sei para to’o loron 15 fulan ne’e”, nia informa.

Tuir informasaun ne’ebé www.tempotimor.com hetan husi sekretária administrasaun Departamentu Comunicação Social, FCS katak, atividade iha kampuz FCS Kaikoli provizória hapara, iha loron segunda (08/03).

“Fó hatene ba estudante sira hotu katak agora dadaun atividade kampuz provizoriamente taka tanba Covid 19. Ita hein desizaun tuir mai”, nia afirma.

Maibé, Pro-Reitór Díli Institute of Technology (DIT), Vital Nacimento Barreto, informa prosesu aprendizajen iha DIT kontinua normal, tanba antes ne’e iha ina preparasaun ba sistema onlin, bainhira hasoru situasaun emerjensia ruma hanesan daudaun.

“Ami prepara antes ona, kuandu mosu situasaun ruma hanesan agora ne’e, estudante sira la presiza mai iha kampuz, maibé sira tuir prosesu aprendizajen liuhusi online ne’ebé ami prepara ona”, esklarese Vital ba tempotimor liuhusi telefone, loron segunda (08/03).

Husi prosesu aprendizanjen ne’e, DIT hala’o preparasaun ne’ebé di’ak atubele fasilita dosente no estudante sira bele kontinua estuda no tuir matéria sira maske hela iha uma.

Iha mós informasaun ne’ebé fó sai husi, eis Reitor DIT, Estanislau Saldanha, iha pájina Facebook Díli Institute of Technology (Educated to Serve) katak, atividade hanoirin iha knua DIT, maibe estundate sira sei tuir prosesu aprendizajen liuhusi online.

“Suspensaun temporária atividade hanorin ho aprende iha Knua DIT (8/03/2021). Kampus mamuk exepsaun Reitor, Pro-Reitor, Dekanu, Sekretariu School ho Xefi Departamentu no seguransa sira mak tama Knua DIT”, informa nia.

Tanba, Portavós Sala Situasaun-Sentru Integradu Jestaun ba Krize (SS-SIJK), Rui de Araújo, iha loron domingu (07/03) anunsia transmisaun lokal covid-19, sidadaun na’in rua pozitivu tan iha área Tasitolu-Dili.

Maibé husu nafatin ba populasaun iha kapital Dili hahú loron domingu (07/03) kalan, atu kalma, labele pániku, tuur hakmatek, no la presiza halo movimentu sai, hodi hein desizaun Konsellu Ministrus (KM) atu foti desizaun kona-ba medida ne'ebé sei foti ba iha kapital Dili.

"Ohin kalan, sala situasaun sentru integradu jestaun krize, koordena ona ho autoridade seguransa sira atu temporáriamente blokeia lai aldeia Terra Santa, hahú husi rate Raikotu ninian, ba to'o iha rohan, populasaun hakmatek lai iha uma-laran, labele movimentu tuun-sa'e, fó tempu ba ekipa sira konjunta saúde ninian buka tan fali kontatu besik husi sira na’in-rua ne'ebé ohin ita deteta pozitivu", hatete Rui Maria Araújo iha Sala Situasaun SIJK, domingu (07/03).

Nia mós apela ba populasaun tomak iha Dili laran, hahú loron 8 fulan-marsu tinan 2021 sei laiha atividade movimentasaun.

"Agora ita sei buka tan kontaktu sira husi viziñu sira hodi halo tan teste ba komunidade sira ne'ebé hela besik", afirma. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter