KHUNTO Deklara Akuzasaun CNRT ba MTK Falsu

Xefe Bankada Kmanek Haburas Unidade Nasional Timor Oan (KHUNTO), deputada Olinda Guteres iha Plenaria Parlamentu Nasional Xefe Bankada Kmanek Haburas Unidade Nasional Timor Oan (KHUNTO), deputada Olinda Guteres iha Plenaria Parlamentu Nasional Foto Arkivu

Tempotimor (Dili) - Bankada Kmanek Haburas Unidade Nasional Timor Oan (KHUNTO) deklara iha plenáriu katak, akuzasaun ne’ebé Bankada CNRT halo ba Ministru Transporte no Komunikasaun (MTK) ho Administrasaun Portu Timor-Leste, Instituisaun Publika (APORTIL, ip) falsu tanba laiha faktu.

Xefe Bankada Kmanek Haburas Unidade Nasional Timor Oan (KHUNTO), deputada Olinda Guteres hatete, iha loron 2 fulan-marsu tinan 2021 bankada CNRT halo akuzasaun ba MTK, orienta APORTIL atu prepara kontratu hodi hasa'e folin aluga Ró ahi husi valor rihun U$150, hasa'e ba rihun U$ 220.

"Relasiona ho deklarasaun bankada CNRT ne’ebé hato'o iha semana kotuk ne'e ho lia-fuan falsu de'it, tanba faktu laloos”, dehan nia liuhusi deklarasaun polítika iha plenáriu PN, segunda (08/03).

Haree ba prezensa APORTIL,ip iha MTK nu’udar administrasaun indireta, tanba ne'e laiha lei ruma fó dalan ba Ministériu refere, atu fó orientasaun ba halo kontratu ne'ebé temi iha deklarasaun CNRT nian.

Tanba prosedimentu legal balun, wainhira Ministru atu halo intervensaun ruma ba APORTIL, la'ós ko’alia direta maibé liuhusi eskrita, no tenke tama iha gabinete ministru hafoin bele prosesa.

"Tanba ministru laiha kompetésia atu foti desizaun hanesan kazu konkretu ne’ebé tutela ba APORTIL,I.P nian”, hatete nia.

Maibé, Vise Xefe Bankada Congresso Nacionl de Reconstrução de Timorense (CNRT) deputadu, Patrocino Fernades dos Reis husu ba Komisaun Anti Korupsaun (KAK) atu loke investigasaun imidiata ba MTK inklui APORTIL tanba deskonfia aproveita husu atu hasa'e valór kuotasaun ba aluga ró ahi.(*)

Rate this item
(0 votes)
Last modified on Tuesday, 09 March 2021 22:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter