Login to your account

Username *
Password *
Remember Me

KHUNTO ‘Hakarak’ PM Taur Hasai Ministru Salvadór 

Xefe Bankada Kmanek Haburas Unidade Nasional Timor Oan (KHUNTO), Olinda Guterres. Xefe Bankada Kmanek Haburas Unidade Nasional Timor Oan (KHUNTO), Olinda Guterres. Foto Suplay

Tempotimor (Dili)-Xefe Bankada Kmanek Haburas Unidade Nasional Timor Oan (KHUNTO), Olinda Guterres, hakarak Primeiru Ministru (PM), Taur Matan Ruak, hasai Ministru Obras Públika (MOP), Salvador Eugénio Soares dos Reis Pires, tanba laiha kapasidade rezolve preokupasaun povu nian.

"Dala barak ona ha’u rasik hato'o, parte kolega deputadu sira seluk hato'o kona-ba estrada ninia, e kona-ba Tasitolu, kolega deputadu UDT ninian foti dala hira, e sekunda mós husi deputadu partidu sira seluk, mais la hadi’a to'o agora, ne'e tanba saida. Ne'e siknifika katak Ministru laiha kapasidade se inkapasidade di'ak liu rezigna-an”, hatete nia iha PN, sesta (07/01).

Bankada KHUNTO halo deklarasaun ne’e, tanba eletrisdade ba aldeia Loko-Loko iha Uatukarabau, to'o agora seidauk asesu, no deputada rasik ba haree, to'o agora komunidade Aldeia Loko-Loko seidauk koiñese no hatene saida mak fiu.

Nune'e Bankada KHUNTO dezafia Ministru Obras Públika, se laiha kapasidade rejigna-an atu troka ema seluk ne’ebé iha kapasidade. 

"Agora Governu mak tau nafatin ema ne'e iha ne'eba ne'e agora naran sá la lao ba oin ne'e, liliu estrada”, afirma nia.

Maske Governu ida ne'e, partidu tolu mak lidera liuhusu akordaun plataforma, maibé KHUNTO nia hakarak mak tenke haree povu. 

"Ita koligasaun, ita hamutuk plataforma, ita hakarak povu nia moris la'o ba oin. Agora semana-semana ha’u tun ba baze, la'ós ita-boot sira mesak mak haree, ha'u rasik tun ba haree, to'o agora barak mak seidauk iha eletrisidade e estrada at, bee-moos balun seidauk hetan halo povu nia oan sira ba kuru bee dook, halo ita hanoin fali”, dehan nia.

Tanba ne’e husu ba ministériu Obras Públika, atu orsamentu ne’ebé foin aprova jere didi’ak, hodi halo estrada, bee-moos, ho eletrisidade.

"Povu nia hakarak estrada tenke di’ak lori ninia produtu lokál ba fa’an, e povu nia hakarak ne'e dehan katak nia oan eskola, e moris di'ak, povu la husu osan ba ita deputadu ka nein membru Governu, sira hakarak sira moris ema babain hanesan ita”, afirma nia. (*)

Rate this item
(1 Vote)
Last modified on Friday, 07 January 2022 15:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter