Tanba, inundasaun ne'ebé akontese iha loron 4 fulan-abril, kuaze estraga total infraestrutura bee-moos husi pursentu 50 to'o 70.
"Ha'u hakarak informa ba públiku katak, ami husi bombeiru nafatin fornese ba sira iha Díli laran no servisu hamutuk ho Bee Timor-Leste, hodi fasilita bee ba komunidade sira iha Dili”, dehan Claudio ba jornalista sira iha Kaikoli, kuarta (14/04).
Maske bombeiru iha karreta rua de'it, maibé sei servisu ho ekipa sira husi munisípiu hodi bele reforsa servisu fornesimentu bee-moos ba komunidade sira.
"Ami iha viatura iha fornesementu nasional iha karreta rua, ida ho bee 10 mill litrus no ida seluk 5 mil litru, maibé ami husu reforsa tan husi munisipíu tolu ho karreta tanki tolu tan ho nune'e hamutuk 15 milll litru", esplika nia.
Komunidade ne'ebé lokaliza iha área Tasitolu dadaun ne'e ekipa operasaun intervensaun servisu hamutuk ho Forsa Defesa Timor-Leste (F-FDTL) hodi bele apoiu.
"Iha parte danau Tasitolu iha ekipa operasaun intervensaun mak responsabel iha área ne'eba, husi loron inundasaun to'o ohin loron nafatin destaka iha fatin refere hodi apoiu ba komunidade sira iha lagoa Tasitolu, tanba uma hetan estraga depois sira labele sai, entaun ami servisu hamutuk ho F-FDTL ho parte kompetente sira hodi responde ba situasaun ne'e”, dehan Claudio
Kuandu iha situasaun grave transporte lá to’o, mak sira labele atende iha loron ida nia laran, maibé buka meiu hodi responde.
“Ita presiza tempu tanba tanke bee-moos ba ami la sufiente atu halo fornesementu, maske ho kestaun ne'e ami iha dalan seluk atubele apoiu bee-moos ba komunidade sira”, haktenik.(*)
