Ho ida ne’e, peskadór sira muda-an hodi utiliza fali lagoa Tasi Tolu hodi buka osan, tanba, peskadór sira utiliza bee-ró hodi kail osan dólar Amerika, bainhira transporta komunidade sira iha área uma adat ba foho hun sorin área Masinlidu.
Bee-ró ne’ebé peskadór Sira utiliza hodi transporta komunidade, antes ne’e peskador sira uza hodi ba buka ikan iha tasi.
Tuir observasaun www.tempotimir.com nota, wainhira lagoa tolu nakfila ba Tasi boot komunidade balun ne'ebé iha Bee-ró kiik hodi ajuda tula komunidade ba mai Tasitolu Masinlidun duante semana ida bele rekolla osan US$350.
"Ami loron ida hetan osan lumayan, dalaruma loron Ida Ami bele hetan empat puluh dollar (US$40) to’o lima puluh ($ 50)”, dehan komunidade ne'ebé lori bee-ró tula komunidade iha Uma Adat Tasitolu, sábadu (17/04).
Dezde loron 5 fulan abril tinan ne'e, bee-ró kiik ne'e tula komunidade sira na'in-4 la na'in-5 iha laran no kada ema ida selu US$1.00, ba US$1.00, fila selu $1.00 nuné loron Ida sira bele hetan US$40.00 ka US$50.00 no semana ida sira bele hetan US$350.00, nune'e balun hetan rendimentu liu ona durante loron 13 nia laran
Iha mós bee-ró rua seluk ne’ebé apoiu husi Governu hodi fasilita transporta komunidade sira ba no mai nune’e selu ho osan centavuz limanolu to’o dólar ida. (*)
