Login to your account

Username *
Password *
Remember Me

Udan-Boot Horisehik, SEPS Rejista Labarik Ida Mate, Karreta Rua Mout

Karreta rua ne’ebé mota iha Suku Manleuana lori, tersa (29/03). Karreta rua ne’ebé mota iha Suku Manleuana lori, tersa (29/03). Foto Suplay

Tempotimor (Dili)-Sekretáriu Estadu Protesaun Sivíl (SEPS) rejista vítima ida ho naran kompletu Joaquim Guterres Soares idade (9) monu tama iha valeta laran to’o mate, inklui karreta rua mout iha mota kasnafar Suku Manleuana, Postu Administrativu Dom Aleixu Munisípiu Dili, impaktu husi udan-boot ne’ebé akontese horisehik, loron 29 marsu tuku 17:00 oras timor-leste (otl).

Ba vítima ida mate ekipa Sekretáriu Estadu Protesaun Sivíl (SEPS) fó apoiu ona umanitária hanesan ai-han, inklui mós apoiu kaixaun mai husi Ministériu Solidaridade Sosiál no Inkluzaun (MSSI).

Sekretáriu Estadu Protesaun Sivíl (SEPS), Joaquim José Gusmão dos Reis Martins hatete, udan boot ne’ebé akontese iha loron 29 marsu, tuku 17:00 otl, hamate labarik ida no kareta rua mak mout iha mota kasnafar inklui edifísiu públiku balun bee tama.

“Dadus provizóriu ne’ebé mak ita iha rejista alin ida monu mate iha esgotu manleuana, alin mate ne'e ita apoia ona emerjénsia, no fó ona apoiu umanitária hanesan ai-han, inklui mós apoiu kaixaun mai husi Ministériu Solidaridade Sosiál no Inkluzaun (MSSI), no karreta rua mak mout iha mota kasnafar ne’e mós ita haruka ona ekipa atu identifika inklui edifísu Palásiu Prezidente Repúblika bee tama ne'e mós ekipa bombeiru hahú hamoos ona”, dehan Joaquim, iha Palásiu Governu, kuarta (30/03).

Bainhira akontese vítima monu ba esgotu laran komunidade komunika kedas ba ekipa bombeiru, seguransa sivíl, jestaun dezastre, CVTL, PNTL no komunidade halo operasaun buska konsege hetan fali vítima, maibé la konsege salva nia vida.

“Alin ne’e nia isin mate iha konsege hetan fali, maibé 500 metru dook husi fatin ne’ebé vítima mout ba, tanba vítima nia isin mate ita entrega ona ba família atu halo prosesu funebre”, esplika nia.

Ba karreta rua ne’ebé mout iha mota kasnafar, dadaun ne’e ekipa sei iha hela tereinu hodi rekolla dadus hodi bele hatene lolos kona-ba motivu, tanba ne’e dadus provizóriu hela, ekipa sei iha hela tereinu hodi rekolla.

“Horisehik akontese udan-boot, laiha vítima ida mak ita halo evakuasuan sentru evakuasuan sira, maibé iha Dili laran kuaze bee sa’e, hanesan Tasitolu bee tama komunidade sira -ia uma, maibé la grave hanesan tinan uluk”, informa nia. (*)

Rate this item
(0 votes)
Last modified on Wednesday, 30 March 2022 18:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter