Login to your account

Username *
Password *
Remember Me

Kompaña Silias Entrega Karreta Hitu ba SEPS

Karreta hamutuk hitu (7) ne’ebé Kompaña Silias entrega ba Sekretáriu Estadu Protesaun Sivíl (SEPS) liliu Diresaun Nasionál Bombeiru. Karreta hamutuk hitu (7) ne’ebé Kompaña Silias entrega ba Sekretáriu Estadu Protesaun Sivíl (SEPS) liliu Diresaun Nasionál Bombeiru. Foto Tempo Timor

Tempotimor (Dili)-Kompaña Silias ofisialmente entrega ona karreta hamutuk hitu (7) ba Sekretáriu Estadu Protesaun Sivíl (SEPS) liliu Diresaun Nasionál Bombeiru hodi fasilita servisu ba populasaun bainhira akontese insendiu.

“Veikulu hirak ne'e ita atu kompleta tan ba ekipamentu veikulu espesialidade nia ba tinan 2021, agradese tebes tanba veikulu hirak ne'e sei fasilita di'ak liután ita-nia populasaun sira bainhira iha dezastre liuliu insendiu”, dehan Sekretáriu Estadu Protesaun Sivíl (SEPS), Joaquin José Gusmão dos Reis Martins, iha edifísiu SEPS, Kaikoli, segundu (21/02).

Nune'e husu ba uzuáriu sira atu kuidadu di'ak veikulu hirak ne'e uza ho responsabilidede hodi bele ajuda komunidade sira, bainhira mosu insendiu.

“Ida ne'e mai ho responsabilidede ne'ebé mak boot, liliu ba Diresaun Nasionál Bombeiros ho nia membru tomak hodi bele asegura karreta sira ne'e, ho di'ak hodi bele uza ajuda ita-nia komunidade sira bainhira hasoru dezastre ruma”, dehan nia.

Diretór Jerál Administrasaun Finansas Ministeriu Interior, Mariano de Araújo esplika, prosesu ne'e liuhusi Konkursu públiku administrasaun Finansas nomós aprovizionamentu, ikus mai kompaña Silias mak sai vensedór, no konsege hatama duni karreta hirak ne'e tuir prosedimentu legál ne'ebé mak estabelese.

“Tanba ne'e hakarak husu ba uzuáriu sira uza ba no kuidadu didi’ak ba, sasán Estadu nia, maske ita dehan orsamentu Estadu nia maibé uza ho kuidadu atu nune'e bele fasilita apoiu ba ita-nia populasaun sira liliu iha parte insendiu”, afirma nia.

Diretór Kompañia Silias, Matias Araújo Duarte deklara, veikulu hirak ne'e sosa husi Magalan ho kompaña Sentosa, ho tipu karreta Auto Commando (AC), Auto Tanque Pesado (ATP), Fire Rescue (FR), Pronto Socorro Urbano (PSU), Pronto Socorro Medio(PSM) ho totál orsamentu hamutuk 949,888.00. (*)

Rate this item
(0 votes)
Last modified on Monday, 21 February 2022 19:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter