Login to your account

Username *
Password *
Remember Me

KRAM Husu GAM Presiza Banati Tuir Regra 5

Prezidente KRAM, Octavio Conseição ko'alia hela ba média, iha salaun apuramentu Baukau, kinta (21/07). Prezidente KRAM, Octavio Conseição ko'alia hela ba média, iha salaun apuramentu Baukau, kinta (21/07). Foto Tomas Freitas

Tempotimor (Baukau)-Prezidente Komisaun Reguladora Arte Marsiais (KRAM), Octavio Conseição, informa, Grupu Arte Marsiais (GAM) sira presiza banati tuir importante pontus 5.

"Pontus 5 importante atu arte marsiais sira banati tuir," dehan nia iha salaun apuramentu Baukau, Kinta (21/07).

Dahuluk, kona-ba resenseamentu membru nian kada ranting iha nivel Aldeia to'o Munisípiu, daruak re-estabelesementu fatin treiñu nian iha públiku atu hetan supervizaun husi komunidade, tanba durante ne'e arte marsiais sira fó treiñu ba membru sira subar la hetan supervizaun direita husi komunidade.

Datoluk, treiñadór sira tenke iha serfikadu propriu, minimu iha koñesementu pontus 5 hanesan vida espiritualidade, edukasaun sivika, jinastika, arte kombate no evaluasaun.

"La'os hotu-hotu sai warga ona, sai treiñadór, treiñadór sira iha abilidade, koñesementu kle’an ba treiñadór nian, tenke hakerek manual treiñamentu sira, ema nia oan sira mai husi idade ki'ik to'o boot ne'e hanorin saida, tenke esplika ba ema," nia hatete

Dahat, GAM sira tenke kumpri mata dalan ba prosedementu aplikasaun sansaun ba komplimentu sira no ikus liu konsellu disiplinares sira, tanba Governu no KRAM ezije kada organizasaun tenke iha konsellu disiplinares internal para foti medidas sansaun sira kona-ba inkomprimentu sira hafoin KRAM bele fó sansaun tuir mekanizmu legál ne'ebé iha.

"Mekanizmu ne'e ba arte marsiais hotu-hotu ne'ebé rejista iha federasaun silat Timor nia okos, ho mós ba arte marsiais ho karakter federation, maibé nunka iha problema hanesan Taekwondo, Kempo, Karate sira ne'ebé iha konfederasaun desportu Timor nia okos, diretiva berlaku ba hotu-hotu hanesan mós PSHT, KORK, IKS, Seruling Dewata, Padjajaran no Persediri no ba arte marsiais ne'ebé mak seidauk rejistu," nia informa

Komisaun Reguladora Arte Marsiais kontinua enkoraja lider organizasaun, treinadór sira atu nafatin banati tuir lei sira ne'ebé aplika ona. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter